MAZMUR 118:5 - Allah Wene Fano Wene Hupla Inane

⁵ An noba yi enggin ti enggin hikhi logolik, neisena Tuhan nen, telnabuagaluk ayonggo fugunem, nane esanggo holheresik, an nebe telnaferek.

MAZMUR 118:5 Referans Kwoze

MAZMUR 18:19

An noba enggin-fenggin agu sambul aremnogo re iren noasuogeluk weri'lagwi, oba nen At Tuhan he an lebetnafu mene ari'lago.

MAZMUR 18:6

Wa'lagaikharek mene a'nogo nen he an haningisogo kwelaknabi weri'lagwi, nen wa'lari'lagwi mene andi re hele wepsek were'ma hakhogo an neralukwe a'nogo wepsek logolik werek.

MAZMUR 120:1

Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

MAZMUR 107:19

Iren wiik-weak a'nogo hikhi logolik, Tuhan nen it inebe telinabuageluk, inane hokhorogo ayonggo fugunem, Aren inebe telinafi lagaikhe.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

MAZMUR 107:13

It a'nogo weak logolik, Allah nen telinabuagaluk, inane hokhorogo ayonggo fugunem, Aren enggin inoba werek mene korogo wokhikhi lagaikhe.

MAZMUR 77:2

Allah ba nane omamerogo kweti lagi, nane omamerogoat kwe tunem he Aren an nane esanggo holherek.

KEJADIAN 32:7

A'nogo yagatukwama Yakub esanggo holhikhesik ailo hokho agaikhesik, aleik hokho watikhe. Aleik watikhesik, afuni inom wagaukwa mene esa pire logalogo fisasikhesik, anggo domba, kambing inom, sapi, unta inom, esa pire logalogo fisasikheat.

MAZMUR 18:20

Aren an faget endawimo agaiyek anggugunem a'luk he, ap youkhogo were'ma nen ogore, an lologo wulaknobagagik, nagap telogo nobagagik, hilingnaferek.