MAZMUR 118:15 - Allah Wene Fano Wene Hupla Inane

¹⁵ Nineisena Tuhan, At omame mondok hokho mene a'nogo At againafuri inoba hilingfikhemo inomame agaikhasik, inawi su mene wuri'mo o silikwe omanogo inagaiyegen wuni wari'lagwi andi hinesanggo holini!

MAZMUR 118:15 Referans Kwoze

MAZMUR 89:13

O i elesi higit inom, i ambut higit inom andoma re, Harenat elalogo fesigin. Tom Tabor en inom, Hermon nen inom, Hat hobaget inagaiyegen henu seralhu logolik hawuni watu werek.

MAZMUR 60:12

Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

KELUARAN 15:6

Henupogot neisena, homameba elalin hilingiten, Homameba, selei mene wulil tagalogo inoaten.

LUKAS 1:51

At enggi omame hokho andiba, afuni inendawimo nen fogerakhili'lagwi mene andi mondok pugulogo nalek-falek isikhe o.

MAZMUR 98:1

Wuni. At Tuhan nen elalin hilingisu elo'lek mene hilingiterek andi nen he At obaget wuni ket mene wulagaisogo wati logoni! At onggwarek esin logolik omame werek andiba re, telinaferek mene a'nogo At ebikhit hilinglagama werek.

WAHYU 18:20

A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.

KISAH PARA RASUL 16:34

Ima pelaginafukwama, at Paulus Silas emberek at kain a'nogo nen aiba wogi narek lagaikhesik he, sumburu melagi sasikhe. Melagisasikhesik, at againafuri inom mondogaren inendawinggen Allah oba himbiret fesukwa andi nen, inendawimo inagaiyegetukwa.

YESAYA 65:13

Ibi-eberogo nen he it ap An namingmingengge An fogetnafarek mene re inamburu nunggu kwelek hit he hinamburu nelerogo logogun. Nen it he inagaiyekhogo nek hilingitu kwelek hit he hinenggalirogo logogun.

MAZMUR 119:111

Haren yi'nogo hilingiti logoino-ti'nogo hilingiti logoino iluk isigin mene andi re an nangge mondok-mondok logogin mene hilingi'mo re, andi nen an nendawimo agaiyek mene hilingfikherek.

MAZMUR 68:3

Endu so'le furogo palogo lek agarek a'nogo hak, At Allah nen it inebe mugusogo lakfisikherek. Nen, hendali nolfugunem endu nen ubun-ubun lek agarek a'nogo hak, afuni weak mondok hilingitarek mene andi ogore At Allah elokhoma nen a'nogoat lek agaikharek.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 45:4

Hat ap raja handungdang werek hagun yi re, henggarok halugagiba kelan o, nen hat hebe mondok lego logolik elalin agun welagen!

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

MAZMUR 119:54

An nebe kweangma eil horogat neluk logolik ya re, aren wene melalek menfesigin mene andoma re an nen wuni Hat fogethafu mene hilingfigi.

MAZMUR 5:12

It afuni Haren hawea'ma fisaluk ferinarek werek mene re inagaiyek haluk, mondok-mondok inanggilugeti logouwak. It afuni Hat hoba inendawi hundik anggaluk hilingiri'lagwi mene andoma re Haren ma'murogo ferinarek logoin, iren Hat faget enek inagaiyegeti logouwak.

MAZMUR 111:2

At Tuhan nen hilingiterek mene andoma eberogo nen he enggin mondok hokho mene hilingitere'ma re afuni inendawimo inagaiyek werek mene nek he fifurogo pilingiti logoumo re higiro.