MAZMUR 114:4 - Allah Wene Fano Wene Hupla Inane

⁴ No kambing en hilingiterek hak o tom-tom omanogo nen mulugetik, domba eak en hilingiterek hak punu-punu omanogo holombokhogo lagagik pigik hilingiti lagaukwa.

MAZMUR 114:4 Referans Kwoze

KELUARAN 19:18

Were'ma, Tuhan ebe endu amuilok elema tom Sinai oba pi wagaikhe andi nen, tom Sinai oba mondogat he endu so'le nen salogo fesikhe. Endu so'le andi lei fatunem so'le mondok hokhorogo mon-mon lagaikherek andi hak lagakhi logolik, tom ebeet lang-fanget hasikhe.

KELUARAN 20:18

At nineisena Tuhan nen a'nogo yagaisasikhe andi re, tom a'nogoba eilabut pakhogo so'le hokhorogo lagagunem, ineilenggen higik, unggunggu pak igik, pinggong anethigik, ugunem ane inesanggo holhi logolik inailo nen inoak lei'leik inebe yatmaat hekhogo mendek welagaukwa.

HABAKUK 3:6

Hebe menlasi wagunem he, kweang abolok igik, heilenggen nayo hayo ugunem he, afuni inunggulenu lombok inoagelekwe leigetik, agarek. Tom isa attagaren etok mondok welagarek mene omanogo re sunuk-sanakhogo lobaget figik, punukwe inom, alokwe inom, o endamaren werek mene omanogo wolelenggenhogo legetfigik ikhi lagen, Hat o attagaren heisok filik-filik nikhi lagen kwe mondogat tamuk-tamakhogo lobaget figik, hilingiti lagen andi.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

HABAKUK 3:8

Tuhan neisena, Hat ha'mage lagali'lago andi re i laut werek andi nen a? Athe, i lagu agai werek andoma nen wene palhendek nogo a? Kuda ba lagaluk weim wagaikharek andi hak Hat hebe ohenaba wagik, kuda nen kereta ba lisogo woginarek weim wagaikharek andi hak pogot muli meneba wagik, isigindik, hagainafuri inomamerinabi wagagin andi.

MAZMUR 29:6

Aren he tom Libanon a'nogo re sapi eagen holombokhogo lagagik-pigik hiligiterek hak hilingisogo figik, tom Siryon he no banteng eagen helalue wanherek hak hilingisogo figik, ikherek.

MAZMUR 18:7

An nebe mondok nonghonghogo logolik neisena Tuhan oba nane yagati lagi, an lebetnabuageluk neisena Allah ba nane hum etunem he, At ebe awiloba omanogo nen an nane holnobagaluk he fut nobagali'lago.

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

MAZMUR 68:16

tom Basan andi re Allah andom. Tom andi ebe wesa pesarogo hilingi'mo punu punungge hilingik.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,