MAZMUR 112:7 - Allah Wene Fano Wene Hupla Inane

⁷ Aren Tuhan oba lombokhogo logolik endawinggen hambukhogo werek andiba re, wene obabut weak mene esanggo holigin oba nen he aren ailo asigin mondok lek.

MAZMUR 112:7 Referans Kwoze

MAZMUR 57:7

It an naselei mene nen he an nebe weaget nobagauwogeluk hele watnafi logolik he an nagaiyek welagi mene a'nogo lebeleget nobagali'lagwi o, Iren he an nanggwe lagain kwe omanogo pogole habul fili'lagwi meneba nen he, it inonggwaregat kweang habuli'mo omanogo pili'lagwi andi.

AMSAL 1:33

A'nogo meneat he, it afuni ekhe an nane ugunem inesanggo hologo hilingitarek mene andi, hobuk inebe fano tegelek logogun o. A'nogo logolik, ineluk fano welagik, inailo'lekhogo welagik, ikhi logogun o,” iluk komorinaferek.

MAZMUR 118:6

At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

YOHANES 14:1

At Yesus nen wene a'nogo yagaisasikhesik, hobuk he, ekhe mel yagaisasikhe: ”Nagainafuri, hit hinendawimo nen he, Eige, iluk hinendawinggen firogo logogubo. Hinendawinggen Allahba himbiret figik, an noba himbiret figik, ikhi logogin o.

MAZMUR 64:10

A'nogo hilingitunem he afuni inailo nek agarek, iren he At Allah nen hilingiterek mene a'nogo faget ebetik, nen Aren hilingiterek mene omanogo fagetik, agarek.

MAZMUR 34:4

Hit an ninom seberogo Tuhan enu legeisogo fouwok, ninebe mondogaren at enu hokhorasuogen we'ni.

DANIEL 3:16

A'nogo yagaisasikhemo, it Sadrakh inom, Mesakh inom, Abednego inomen mel yagatukwa: ”Nebukadnezar henupogot mene ninoe. Nit ninebe elelerogo wene haren ninoba fegen andi korogo wokhouwogeluk hilingisugun mondok lego.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

KISAH PARA RASUL 27:25

Andi nen he, nerugwi nagaila'lak. Allah nen yaganete andi hagat eberogoat hilinglasigin iluk, nendawinggen at oba himbirik welagi andi nen, hit hinendawinggen hambukhogo logoino o.

LUKAS 21:9

It ekhe nen, weim yabi'lagwi, igik, inebe misigat mene nen folim hibirogo mugisogo wulakfisili'lagwi, igik, iluk ugu halok he, hina'manggen laluk hinendawinggen abolok ugubo. Attagat a'nogo hilinglasigin meneat he, o wurep oba hilinglasigin mene andi re, weak-weak hilinglasigin lego,” iluk yagaisasikhesik he,

LUKAS 21:19

Halok he, hinendawinggen hambuget fakhaluk he, hinafe morogoat logogun halok he, nabulal-habulal helogoin o,” iluk yagaisasikhe.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

AYUB 11:15

A'nogo hilingisigin halok enek he, hailo legengge hambong serogo welagik, nen hane higiluk hendawi fiti'lek youk igi'lek hambukhogo welagik,

MAZMUR 49:6

O obabut weak agu sambul afuni nen weak mene noba fuluk noasuogoluk an nebe haningisogo kwelaknobagagunem, nailo lekhogo logolik nendawinggen hambukhogo logogin.