MAZMUR 112:10 - Allah Wene Fano Wene Hupla Inane

¹⁰ Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 112:10 Referans Kwoze

LUKAS 13:28

A'nogo yagahisamo, hit enda'ma logolik, ap Abraham inom, Ishak inom, Yakub inom, ap fena Allah ane yagaisikhi lagaukwa mene omanogo inom, Allah awe a'ma fanoma andoma were'ma, hineilenggen kwelagisogoin o. Nen, hit enek he, kwe yagarogo wulakhinobagaumo enda'ma andoma logolik, hinaik himbirogo li ago le ago ikho mondok logogun o.

AMSAL 11:7

Afuni weak hilingitarek mene andi ebe wa'laga logolik he endawimo eberek werek mene omanogo inomat wa'lasigin, inonggwarek inomameba nek tipsek logogun halok he ambisangma ekhe logogin lek.

AMSAL 10:28

Ap fano mene re endawinggen eberek logogin a'nogoba ambisangma tip ugunem agaiyek asigin, Ap ina'mage weak mene re inendawimo eberek logogun mene a'nogo we alomarogo hilinglasumo legasigin.

MAZMUR 86:17

It afuni an noba inabiret nobagali'lagwi mene andoma re, Haren lebetnafunem ineilenggen nealuk inenggali asuakhogo re, neisena Tuhan Haren enegengge ekhe wo'nomo, iluk samban isikhe.

MAZMUR 37:12

Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

AYUB 8:13

It afuni Tuhan inonggot engge werek mene andi re a'nogoat werek, aren Allah ba endawi eberek legengge hilingitu halok he, aren hilingisigin mene iluk endawimo wenggelogo hilingiterek mene a'nogo ogo sugwi asi lagarek.

MATIUS 22:13

Ane mondok igi'lek kamo isikhemo re, at ap kain enupogot a'nogo amingmingengge mene omanogo mel yagaisasikhe: Ap andi enggi eisok mondok hele homagaisogo re, enda'ma inaik himbirogo li ago le ago welagaikharek oba o mondok mummo andoma wulakfisani o, iluk yagaisasikhe.

MATIUS 8:12

Mene re, it afuni Israel mene andi re, o andoma irat eisewerek asugun meneat he, enda'ma o mum hikhakse'ma andoma lakfisamo re, inaik himbirogo li ago le ago mondok logogun o,” iluk yagaisasikhe.

NEHEMIA 2:10

A'nogo meneat he, ap Sanpalat aiba Bet-Horon mene andi inom, ap Tobia unggulenu Amon mene pemerintah faget yabu hilingiti lagaikhe mene andi inom, emberek inoba afuni ekhe nen he, ”Nehemia re, afuni Israel mene leberisagaluk wagasik werego,” iluk ugunem inesanggo holhukwasik he, ina'mage mondok lagasikhe.

AYUB 20:7

wulage sogoiyen furogo lagarek hak at ebe mondok-mondok legasigin. A'nogo legasumo it afuni ap andi inelu logogun mene nen heinok wanhi logolik he, ”Yago at a'nogo re koma laga?” Ikhi logogun.