MAZMUR 110:1 - Allah Wene Fano Wene Hupla Inane

¹ Neisena Tuhan nen he an noe Enupogot yagati logolik, ”Afuni hat haselei mene heisogen alperelogo fisanogen he, An nen oan hawe a'ma fisa wagi'lek werek kwelek, An nera'lu nenggi ebekwe ya hurek logoino,” iluk yagatikhe.

MAZMUR 110:1 Referans Kwoze

1 KORINTUS 15:25

A'nogo fagain andi, at Allah nen Kristus inom weak mene mondogat eisogen alperelogo fisoagen awe a'ma inobagai wesigin andi oan werek kwelek, at Kristus ebe kainat mondok logogin.

IBRANI 1:13

A'nogo yagatikhesik, ekhe mel yagatikheat: ”Afuni hat hinom weak mene omanogo heisogen alperelogo fisanogen An nen oan hoba fisa wagi'lek werek kwelek, hat An nera'lu nenggi ebekwe hebe kain logoinok,” iluk, it malaikat mene omanogo ekhe yagatikhe nogo? Legaro.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

MAZMUR 8:6

A'nogo meneat he, it inebe Allah Hebe welagen higithogo legeisogo fisegendik, Haren it afuni andi inenu werek logolik mondok esin lego logouwageluk hilingfisegen,

IBRANI 8:1

Nit wene ikhi lago andi esin he yi o, nit ninoe kain Allah eisewerek ogo andi higit werek. At ebe re, nineisena Enupogot Allah welagarek oba era'lu kainat werek.

KOLOSE 3:1

At Allah nen he, Kristus eluget fikhi logolik, hit hinomat hineluget hinafikhemo welagep andi nen, yi mene ti mene Kristus ebe pogoroba Allah era'lu enggi ebekwe kainat welagarek oba andoma mene hela louwogeluk, hinomamerogo hilingiti logoino o.

MARKUS 16:19

Wene a'nogo arat yagaisasikhemo re, at Allah nen Yesus ebe pogoroba waluk lagasikhe. A'nogo waluk lagasikhemo era'lu enggi ebekwe hutfesikhemo kainat welagarek.

MAZMUR 8:1

Afuni nen wuni wulak fuluk inebe seberogo ugunem melalinafu mene faget, at Getit awuni mene ane lisogo Daud en isikhe awuni a'nogo re yi:

LUKAS 22:41

at ebe ale'ma tegelogo horogat lagaikhesik, eindep awi yagaisogo samban ikhi logolik,

1 TAWARIKH 28:2

A'nogo kabogetukwama re at Daud a'nogo nen inelokhoma menlagaikhesik yagaisikhi logolik he, ”Nagaila'lak ninunggulenu misik mene, hinesanggo fanorogo holini o! An nen o attak andoma nenat ebeti logolik he Peti Wene warogo wo'ninafikhe mene ari, nineisena Tuhan Allah eisok fuguba faget o mondok fano mene misik ekhe wusugun iluk nendawimo wenggelhigi. A'nogo wenggelhigisik he o At fogeratuba misik ekhe wusigin iluk he o ebenengge mondogat fougerati.

MAZMUR 109:20

Tuhan neisena, unggum andi it afuni an noba hikhibet niigik, nen iren an nobaget weak mene hilingitik, hilingiri'lagwi mene andoma inoba feino o.

ZAKHARIA 6:13

Aren athe An Nawi andi wusimbik ap raja legeisogo fisagarek hakhogo at a'nogo legeisogo foumo re, aren afuni at againafuri mene melalinafu logogin o. Nen, ap imam misik ekhe re at inom lebet-lebet hilingiti logolik, it inebe re emberek seberogo nek yabu hilingitu logogun,’ iluk yaganete.