MAZMUR 109:10 - Allah Wene Fano Wene Hupla Inane

¹⁰ It againafuri re inawi meisalogo lakfagarek mene a'nogoba nen mugusogo wulak fisugunem, kino kinongge a'luk leil warik nugu mene hilinglakhoak.

MAZMUR 109:10 Referans Kwoze

MAZMUR 37:25

An nebe alageba nen pikhit yogondak arat yaman agarik welagi huli nen he, afuni inobabut higithogo hiligitarek mene andi, Tuhan nen inebe kofologo herakfisigik, iren tagomangge mene inamburu legen inambe kino weak hilinglagik, ugunem isigirek mondok lego.

YESAYA 16:2

Lak fesukwasik it ap Moab mene re i Arnon aik oba andoma inobakheindok palogo nenanggoti logolik he, sue awi wuri'mo nen silogo wulak fisugunem leil waterek hak hilingiti lagaukwa.

MAZMUR 59:15

O hu'mo asi lagunem he, it omanogo nekhengge lagokhogo we'luk, o kota kwe omanogo maserik nikhi logolik he mene nen hakhogo kouwarik nikho.

2 RAJA-RAJA 5:27

Hat a'nogo wanhen andi nen, ap Naaman ebene oumo henanggo inailo mene welaga mene andi hat helegen aro. A'nogo helegendi'mo re, afuni haren tagongge mene hombalak ta'larik laga logogun mene henanggo andi inoba mondok logogin o,” iluk yagatikhemo, at Gehasi enda'ma wulibi wagu kwelek aremnogoat, oumo henanggo inailo mene a'nogo oba agaikhesik, agap mondok kut agaikhe.

2 SAMUEL 3:29

Andiba re, unggum wogisoak. Hobuk logogun huli andoma re at Yoab eisok erokwe mene inoba re, ap inagap ebene inoumo purak werek mene welagik, ap inomame lek mene welagik, inangge nunggu mene inelagaikhogo welagik, hilingik mene nek logouwak!” iluk isikhe.

AYUB 5:4

at againafuri omanogo re it ekhe nen telinabu lek hak hilingi'mo re; O wene pilingituba andoma nen wene it inoba mene pilingitunem he, it ekhe nen inebikhit a'luk leberisa re elo'lek hilingik welaga.

AYUB 27:14

At againafuri hokhorek halok he it inebe mondogat weim oba nen wa'lasugun, nen at againafuri inom ombawi tagomangge mene inom ineluk logolik he nunggungge inelagaikhogo nek logogun.