MAZMUR 108:8 - Allah Wene Fano Wene Hupla Inane

⁸ At Allah ebe werek oba mondok fano hore'ma omanogo nen ane ikhi logolik he, ”An he nagaiyegen foget fakhikhi logolik kweang o Sikhem kweang oba omanogo sumbusigin o. Nen, o Sukot fanggong ele andi re ilirengge walesigin o.

MAZMUR 108:8 Referans Kwoze

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

MAZMUR 122:5

O yomaat At Daud en tagomangge mene inebe inenupogot menla'luk, afuni it mene ferinarek logolik, wene inoba figik, kotik ikhi logogun.

2 SAMUEL 2:8

Abner hun Ner amlogo at Saul agoromi tentara inoe panglima welagaikhe mene a'nogo inom, Isyboset hun Saul amlogo a'nogo inom, emberek heise wulifukwasik he i Yordan palogo elikwe fikhit o Mahanaim andoma lagaukwa.

1 SAMUEL 28:4

A'nogo were'ma nen, ap tentara Filistin mene ap Israel mene inoasuogoluk, inebe andogotukwasik, inawi tenda o kota Sunem horokhogo andoma wusi wagaukwa. A'nogo wusi wagaukwama, at Saul ogore, ap Israel mene andogerinafikhesik, inawi tenda Tom Gilboa oba andoma wutukwaat.

2 SAMUEL 5:5

Nen, at o Hebron logolik afuni Yehuda mene ferinarek 7 setengah tahun welagaikhe. Hobuk, at ebe Yerusalem wagaikhesik logolik, afuni Israel mene inom, Yehuda mene inom, ferinarek 33 tahun welagaikheat.

ULANGAN 33:17

Yusuf he, wam sapi ai mene omame hokho mene hangge asuak. Wam sapi ai mene enggama mene andimuk ungguloa'ma werek andi hangge ap Manasye mene esa re, mondok hokhorogo ribuan hilinglasuak. Nen, ap Efraim mene esa re, mondok hokhorogoat puluhan ribu hilinglasuak. Wam sapi ai mene andimuk ungguloa'ma taunghogo inoaterek andi hak, at Yusuf en tagomangge mene ap esa hokhorogo andi nen, afuni ekhe inunggulenu hokhorogoat mene warogo o yi awi ti awi huli pogot ero-ero a'lima lakfisikhi logouwago,” iluk yagatikhe.