MAZMUR 103:2 - Allah Wene Fano Wene Hupla Inane

² An nendawinggenma nen Tuhan fogethafi lagi, nen Aren fano hilingninobagaikherek mene andoma re hinonggorasu fuk.

MAZMUR 103:2 Referans Kwoze

YESAYA 63:7

At Tuhan obabut fano nen nit Israel mene abit agi'lek endawitninafu mondok logolik, yi mene ti mene oba heilarogo wogisagarek hak, fanot ninaferek andi nen, an nen Allah nit ninebe endawitninafu mondok welagarek mene andi faget, it ekhe yagaisigik, nit ninobaget hokhorogo hilingiterek mene andi faget At fogeratik, igin o.

MAZMUR 116:12

Neisena Tuhan nen, an noba fanorogo hilingnaferek andi faget an nen onggo nena mene wogosigin nogo?

MAZMUR 105:5

Hit afuni Abraham Allah amingmingengge nen tagongge mene yi sani! Hit afuni Yakub Allah nen wenatikhe mene a'nogo nen tagongge mene yi sani! hit hinebe re, iren tagomangge mene inoba Allah nen he, elalin hilingiti lagaikhe mene andi, wene andi mondogat eberek logoino o. Ane palek werek mene andi, hinonggoragi'lek eberek mondok logoino o.

ULANGAN 6:12

nineisena Tuhan hit hinebe afuni Mesir mene nen inamingmingengge higit fethinarek were'ma telogo wokhinarek wulibi wagaikhe mene a'nogo oba hinonggot asinogo iluk eberek mondok logoino.

2 TAWARIKH 32:25

At oba ou a'nogo Tuhan nen fano hilingfesikheba nen he at wonoget fakhikhi logolik he, Tuhan oba hai wati'lek hilingitikhe. Andiba re At Tuhan nen it afuni Yehuda mene inom, Yerusalem mene inom, inoba a'mage fesikhe.

ULANGAN 32:18

Iren nineisena Allah, ninebe telninaferek mene, at ebe herakfisasukwa, It inelugerinafikhe mene, at oba inonggoret fesukwa.

ULANGAN 32:6

Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?

MAZMUR 106:21

Allah it inebe telinafik, nen o Mesir en wene mondok esin hokho mene hilingitik, isikhe mene omanogo inonggot agaukwa.

MAZMUR 106:7

It ninombawi o Mesir logolik andoma re futfikhi lagaukwa mondok lek, Haren elalin mene elalhigin mene andoma iren inendawimo wenggel hikhi lagaukwa mondok legat. I Laut Gelagah horokhogo andoma nen Haren hendawi hundik hokho mene hilingninafigin mene a'nogo inonggot agama re, iren Hat Mondok Lego Welagen mene a'nogo helokhoma wene oak sagalhi lagaukwa andi.

YESAYA 63:1

Ap ekhe kagalek welagaikhe mene ane re yi'nogo isikhe ”Ap ekhe asu eil mep mene laberogore, ebene asungge lik loukhogo liagaisogo oba mondok along palonghogo o Edom fikhiren o Bosra wesigiluk weri'logo andi re sa nogo?” iluk heinok ugunem he, Tuhan nen onggo ikhi logolik, ”An he hineisena Tuhan, hinebe telhinabigin mene a'nogo nen, Wene fano wene waluk wagi o,” iluk ikhe. A'nogo ugunem hobuk ap kagalek welagaikhe mene a'nogo nen heinok wokhikhi logolik,

HAKIM–HAKIM 5:2

Afuni Israel mene inogogwi kaindek omanogo weim yabugun iluk sikhiphogo aga, ap inebe mondogaren inendawinggen oba nenat yabi logoin aga andi nen, nineisena Tuhan fogerasuogo.

HAKIM–HAKIM 5:9

Ap Israel mene inogogwi kaindek weim awene agarek mene inom, afuni holhu mene inomen inendawimo nen anggaluk weim yabugun aga andi, Nendawilage, iluk hai wathinafi lagi o, Tuhan enek fogerati logouwok!