MAZMUR 102:8 - Allah Wene Fano Wene Hupla Inane

⁸ An nebe re sue o tum oba amu nek eilmo weakhogo welagarek higit logolik, nogo u re nabit nabi'logo.

MAZMUR 102:8 Referans Kwoze

KISAH PARA RASUL 26:11

A'nogo ikhi logolik he, an o afuni Yahudi mene samban agarek kwe lombok kuluk, it inendawinggen Yesus oba himbirik welagaukwa mene hebisoageluk nane ninghogo yagaisigik, yi enggin ti enggin hilinginafik, ikhi logolik, na'mage hokhorogo lagakhi logolik he, it ekhe o yatmaat esanggo-esanggo andoma mene sikmuk isikhi lagagiat,” iluk yagatikhe.

KISAH PARA RASUL 7:54

At Stefanus nen wene a'nogo yagaisikhi lagaikhemo, it inesanggo holhukwasik, ina'mage lagasukwasik he, inaik himbirogo ebe wasuogeluk isukwa.

YEREMIA 29:22

Ma re ap o Yerusalem en o Babel woginarek lagaukwa mene ekhe nen ekhe homan fikhi logolik he yi'nogo ikhi logogun, ”Tuhan nen hat hebe re Zedekia inom Ahap inom inoba raja Babel mene nen inelugengge endu nolinafikhe andi hak hilinglakhano o,” iluk ikhi logogun.

YESAYA 65:15

Afuni An nen wenagaisogo fisasigi mene nen he An nenuba hombuk palhi logolik yi'nogo ikhi logogun, ”Tuhan Mondok Lego werek mene nen he harogo it higit pinggi hoasuak, ikhi logogun. Oba nen he ap An nane hologo hilingiti logogin mene re An nen at enu ket mene salogo wogosigin.

MAZMUR 89:51

Tuhan neisena. An hamingmingengge yi, noba wiik weakhogo yaganeri'lagwi andi hendawimo ebesin o. Afuni inunggulenu lombogen inane weak noba fili'lagwi andi nen he nendawimo weak welagi o.

MAZMUR 69:20

Afuni inendawimo seramet nobagaluk inane na'malolo wo'niikhi logolik, nenggali warogo hilingnabi'lagwi andi Hat he helu welagen o. An naselei mene inebe mondogat heilenggen isikhi lagen.

MAZMUR 55:3

An futnobagaluk he onggo yaganom o, nen an he noba enggin-fenggin werek mene a'nogoba mondok nonghong igirik welagi o.

MAZMUR 2:1

Yi afuni ti afuni hokhorogo inane sagalek-pagalek hilingiti logolik, Afuni inunggulenu lombogen ”Yi'nogo hilingisuok,” iluk tulemat ili'lagwi andi nenahalok nogo?

LUKAS 6:11

A'nogo higitikhemo, it ap Allah ane lisu palek inelu mene omanogo inom, it Farisi mene omanogo inom, ina'mage hokho mene lagasukwasik he, ”At Yesus ninggi'nogo hilingisuok he,” iluk, it-it abok palhi lagaukwa.

MAZMUR 41:5

An nen ikhi logolik he, ”Tuhan neisena, an he Hat hoba weak hilingiti lagimo re, Haren hendawi nealuk an nebe fano hilingnabin o,” iluk ikhi lagi.

MAZMUR 77:5

At Tuhan nen an nebe hup nogo inogoluk hilingnobagagunem he, nendawimo mondok fenggek-fenggek enek ugunem he, nane u ogo elo'lek nabi'lago.