MAZMUR 102:27 - Allah Wene Fano Wene Hupla Inane

²⁷ Andoma mondogat legasigin oba nen he, Harenek he femhogo logogin, andoma mondogat he su weak a'luk tiliphogo lagarek andi higit legasigin. Haren he su mining agunem elokhe munen agarek andi hak, andoma mondogat he munenigin.

MAZMUR 102:27 Referans Kwoze

IBRANI 13:8

At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

MALEAKHI 3:6

At Tuhan nen ikhi logolik, ”An nebe agam itirek lek mene o, Tuhan a'nogo nebe re An aro. Andiba re, hit Yakub en tagomangge mene andoma weaget hinobagakhi lagi lek andi.

WAHYU 1:8

Nineisena Allah Enupogot omame hokho andi, etok mondok logolik, endam welagaikhe, yogondak weregat, hobuk mondok logogin mene wesigin a'nogo nen ikhi logolik he, ”Ero inom, erembul inom, an aro,” iluk ili'logo o.

MAZMUR 90:4

Nit afuni ninendawimo nen he, 1.000 tahun welago, iluk anggogorek mene andi Hat hendawimo re, o hup misik hak wei uluk, hup agarek andi hak anggi lagen. O hubanggo, it ekhe endebat kagalek wela'luk nogo ugu kwelek, it ekhe inobulu'mo kagalek welagik agarek andi hak anggegendek.

AYUB 36:26

At Allah ebe re ombak-bak mondok hokho mene were'ma re, afuni nen ebe yiginik agun iluk senggerogo futfou re elo'lek. Athe At welaga mene tahun yi huli iluk wenasu elo'legat.

YOHANES 8:58

aren he, mel yagaisasikhe: ”An nane eberogo yagahisago. Ap Abraham andi ebe oan ta'lagi'lek werek kwelek, an netok mondogat welagirego,” iluk yagaisasikhe