MAZMUR 102:26 - Allah Wene Fano Wene Hupla Inane

²⁶ o attak he Haren kweang tik warogo fesigin, nen pogot he Hat henggi nenat talogo fesigin.

MAZMUR 102:26 Referans Kwoze

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

YESAYA 34:4

Mo, tugi, hesagalenggen, mondogat he wolelenggenhogo legasigin. Pogot he suesingga yinggilharek hakhogo yinggil isagain, hesagalenggen he e engga sawet a'luk lolhigik pikherek hak pi wesigin.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

LUKAS 21:33

Pogot inom, kweang inom, legasigin meneat he, an nane andi legasigin lego, etok mondok logogin” iluk yagaisasikhe.

WAHYU 21:1

A'nogo higiri'mo nen ombo'ne re, Allah nen pogot inom kweang inom attak mene legetfigik, i laut yenggelek legetfigik, ikhesik obali'mo re pogot inom kweang inom ket mene hilingisogo fikhemo were'ma higi.

ROMA 8:20

Pogot kweang yi mene ti mene mondogat abisak alemarogo logoigeluk anggasikhesik, alomat lagaikhesik welagarek fuk. At Allah nen he, ”Hobuk fanot feigeluk he, elama faget a'nogo logouwak,” iluk endawimo anggasikheba welagarego.

YESAYA 66:22

Pogot ket mene inom kweang ket mene inom An nomameba hambukhogo logogin andi hak, hit hinerembul oba nen tagomangge mene inom, hit hinenu inom, mondok-mondok logogin.

MAZMUR 102:12

An nebe neluk a'nogo re o hubet inafumak palogo lagarek higit lek aga lagi, nen engga halongo ikherek hak an nebe puk agarik welagi.

YESAYA 65:17

Tuhan nen ikhi logolik, ”An nen he pogot ket mene inom, kweang ket mene inom elalogo fagain o. O attak aga lagaikhe mene andoma re mondogat inonggot asumo re hobuk ekhe ebet hogoin lek.

KELUARAN 3:14

A'nogo yagatikhemo, at Allah nen he, ”An he, Anaro. Afuni Israel mene yi'nogo yagaisano: Aren he, An he, Anaro, ikherek iluk agarek mene a'nogo nen hinoba laknobagai wagama wagi o, iluk yagaisano o.

2 RAJA-RAJA 19:15

A'nogo fesikhesik, samban mel isikhe, ”Nit afuni Israel mene nineisena Tuhan Allah hebe it kerub inalik hilingik werek oba kain welagen mene o, neisena. Hat hami-hamuat kweang pogot walhasiginmo, afuni o kweangma yi awi ti awi mondogat inogogwi nen inawe a'ma ferinarek welagaikharek mene andi mondogat hat henggiba welagen o, neisena.

AYUB 38:4

Hat hebe werek kwelek, an nen kweang tik warogo walhasigi nogo a? Hat helu mene andoma hokhorogo werek halok he, an yaganom o.