MAZMUR 102:21 - Allah Wene Fano Wene Hupla Inane

²¹ it afuni hele warogo fisugunem logolik weak-beakhogo hilinginafunem andoma inane esanggo holek logolik werek, nen it ap unggum inoba fuluk inebe pinggi inoasugun iluk hilingitunem omanogo lologo wulak fisagain iluk hilingiterek.

MAZMUR 102:21 Referans Kwoze

MAZMUR 22:22

An he nomame lek welagimo re no kambing andimuk hanggeba inom, singa aik werelek kabuk hanggeba inom, noasuogoluk ili'lagwi mene andomaba nentelnabime o.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

EFESUS 3:21

Nit Allah againafuri andogorek mene mondogat Kristus Yesus ninom hundik logolik ninebe ekhe hobuk mene ket ta'larik lagu kwelek, Allah eberogoat fogeratu mondok logouwok, iluk, ”Amin,” igi andi.

YESAYA 51:11

Andiba afuni Tuhan nen fikhalogo fisagain mene re sugulogo we'luk, it o Yerusalem kwi waga logolik inagaiyegen ngai-wai liafi logogun, a'nogo hilingitunem inagaiyek hokhorogo hilingiti logolik inoba mondok heanerogo nek logogun. Fong watu mene inom, enggin-fenggin hugu mene inom omanogore mondogat legasumo re iren inagaiyegetik, inanggilugetik, hilingitu mondok logogun.

MAZMUR 79:13

Andiba re nit Hat againafuri hanggo domba Haren halninafi lagen mene nen he, ninenggi mondok-mondok andomaba Harenek hai wathafu welagik, nen mo lagagik pigik ugu kwelek andomaba Harenek fogethafu welagik, hilingitu logogun o.

KELUARAN 3:16

Afuni Israel mene inogogwi mondogat andogorinabi lan o. Lambik he, hit hinombalak Abraham inom, Ishak inom, Yakub inom, ineisena Allah a'nogo An arat nelokhoma menlaga o. Menlagasik yi'nogo yaganete: An hit afuni Israel mene it afuni Mesir mene nen hilinginabi'lagwi andi, An arat neilenggen isa pi wagi yi o.

KELUARAN 3:17

Neilenggen arat isigirik, afuni Mesir mene nen it yi enggin ti enggin hilinginabi'lagwi andi telogo woginarek o kweang muli fanoma yi mene ti mene nenggarek mene mondok hokhorogo were'ma afuni inunggul enu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom, welagaikharek oba andoma woginarek lageluk wene arat igi o, iluk ikhe, iluk yagaisano o.

MAZMUR 79:11

It afuni hele warogo kwelaginafunem logolik heinet watarek mene andi inane hesanggo holin o, it afuni inebe wa'lasugun mene iluk enogo fakhaga mene andoma Hat homame a'nogoba ineluk telogo fisagain logouwak.