Biblia Todo Logo
Bib sou entènèt

- Piblisite -




MAZMUR 102:15 - Allah Wene Fano Wene Hupla Inane

15 O andi mondogat afuni nen molulukhogo lakfaga oba nen he, nit Hat hamingmingengge mene nen he o andi faget ninendawi hundik hilingik welago. Nen, o andi mondogat wul age palogo taik ekheba nen he, iren inendawirati logolik werek.

Gade chapit la Kopi




MAZMUR 102:15
14 Referans Kwoze  

Hat hebe pogoroba welagendek oba andoma logolik, inane hesanggo holfuluk, kino yagahesugun mene andi wogisikhi logoino o, neisena. A'nogo hilingiti logogin halok, afuni inunggulenu lombok o yi awi ti awi welagaikharek mene nen, nit hagainafuri Israel mene hebe ninelu logolik, hane hologo hilingitorek andi hak hilingiti logogun o. A'nogo hilingiti logolik, an nen o Hat hawi wuthobagagi yi faget, iren he, Allah faget hilingiti logogun oba, iluk futfikhi logogun o, neisena.


Tuhan neisena, Haren wene wa'nisasigin mene a'nogo re, it inesanggo mondogat holha andi nen he it ap raja-raja o kweangma yoma werek mene mondogaren he Hat foget habugun o.


Tuhan neisena, afuni yi inunggulenu ti inunggulenu Haren walhogo fisegen mene omanogo, Hat handungdang welagen mene andi faget foget hobagagik, hapne wanhik, hilingiti logogun nen waga logogun.


A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.


A'nogo were'ma it raja-raja hokhorogo nen he at a'ma sebe iluk fogerati logogun, nen yi afuni ti afuni mondogat he at amimingengge asugun.


A'nogo amulit hokhorogo werek kwelek andi nen he, afuni kweangma mene inunggulenu lombok ekhe amulit andiba nikhi logogun. Nen, it ap kaindek inenupogot kweangma mene inagarek yi mene ti mene onggo hokho mene were'ma fogerinafarek mene andi waluk o kota a'nogo fei kwikhi logogunat.


Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.


Wene a'nogo yaganetukwama nesanggo holhigisik he, nebe hu'lagagisik, le agagi. A'nogo le agagisik, o nenggi pire henagan hangge nendawimo mondok weagat logolik, sumburu ninggi'lek samban at Allah ayonggo fugu mondok logolik,


mel isigi: ”Hat hebe henupogot mondok logoino, neisena. An nawi kota nombalak inebe salinafukwa kwe yogondak huli nen meisalek werek mene andoma inom, nen, kwe leget pa'leget ambe palek mene halik halokhogo endu nologo weaget fesukwa mene andoma inom, mondok weagat werek kwelek nendawimo fano logou re, elo'lego, neisena,” iluk yagatigi.


A'nogo meneat he, an nen hobuk it mel yagaisasigi: ”O kota Yerusalem mondok wolelenggen tagalogo fotfisigik, nen kwe ambe palek kwe mondogat endu fesukwama felelenghogo ninggik, isikhemo, wene nit ninoba were'ma, yi enggin ti enggin hugu mondok welagorek andi hikhi lageba? Afuni nen inendawimo seramet ninobagaluk weaget ninafarek andi lek asuagen he, o kota Yerusalem ebe inom, leget pa'leget wurik welagaikhe mene inom, meisalhukwa a'nogo hobuk ambotkwe legeisogo wusuogo,” iluk yagaisasigi.


Swiv nou:

Piblisite


Piblisite