MAZMUR 101:6 - Allah Wene Fano Wene Hupla Inane

⁶ Afuni Allah ba tiphogo hilingitarek mene nek he an nen nendawirinafirek, it ariginik mene nek he An naiba ninom logogun fano. It afuni inebe weak hilingiti lek werek mene nek he, An nobaget hilingiti logogun fano.

MAZMUR 101:6 Referans Kwoze

MAZMUR 119:63

An he it afuni wene melalek futfuluk Hat oba inailorogo hilingiri'lagwi mene inom, nen it afuni Haren wene yi'nogo hilingiti logoino ti'nogo hilingiti logoino iluk werek mene omanogo inebe mondogat ninom misik sebeti lago.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

YOHANES 12:26

Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.

MATIUS 24:45

At Yesus nen a'nogo yagaisasikhesik he, hobuk ekhe mel yagaisasikhe: ”Ap kain mene ekhe againafuri kwelaginarek logolik inamburu wogisogoin higithogoat wogisikhi logouwageluk, at amingmingengge mene ayonggo fugunem, at endawimo kagalek logolik obabut oe ane igin mene higithogo hilingiterek andi sa anggegep. At andi oe andi nen menfuluk lagarego.

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

AMSAL 29:2

Ap higithogo hilingiterek mene nen ferinarek were'ma re afuni inagaiyek welagaikharek, oba nen ap weak hilingiterek mene nen ferinarek were'ma, eige nabire iluk inane sagalharek.

AMSAL 28:28

Ap weak hilingitarek mene nen ferinarek were'ma re afuni ineil mondok hinago werek, oba nen ap weak hilingitarek mene andi wa'lagunem he, ap higithogo hilingitarek mene omanogo ekhe inom hokhoarik lagaikharek.

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

YOHANES 14:3

An o andoma arat lambik he, hit hinaiba arat tegelogo fuluk, an logogin oba andoma ninom logouwogen iluk, nambotkwe wokhinabi wesigin o.

IMAMAT 14:42

Hugisaluk helep waganogo wulak fisugu mene a'nogo obali'mo re helep ket mene wut fuluk o a'nogo hobat abirengge inom, agap endakwe lilibanetu mene inom he mondogat ket meneba nek wusugun.