MAZMUR 101:2 - Allah Wene Fano Wene Hupla Inane

² An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

MAZMUR 101:2 Referans Kwoze

MAZMUR 119:106

An nen Hat hawene melalek inom, wene katokhogo hilingitu awene faget inom andoma mondogat pukhogo fisogo logogin, iluk nane hombuk palogo wene watigi mene andi re nane isigi higithogoat tibet fagain o.

1RAJA-RAJA 9:4

Haren heisena Daud en hilingiti lagaikhe andi hak, hat hebe An namingmingengge logolik, hobabut fanorogo, higithogo nek hilingitik, An nen, Yi'nogo hilingiti logoino, iluk komothinafigi mene andi, nane hologo hilingitik, ikhi logogin halok,

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.

MAZMUR 101:6

Afuni Allah ba tiphogo hilingitarek mene nek he an nen nendawirinafirek, it ariginik mene nek he An naiba ninom logogun fano. It afuni inebe weak hilingiti lek werek mene nek he, An nobaget hilingiti logogun fano.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

1RAJA-RAJA 11:4

at ebe yaman agaikhemo re it agagwi omanogo nen endawinggen kagalogo kembu ilah omanogo fogerati lagaikhe. Salomo eisena Daud he Tuhan Allahba endawinggen tipsek welagaikhe, oba nen he at amlogo Salomo re eisena higit welagaikhe lek.

ULANGAN 6:7

Hinendawimo eberek mondok logolik, hinagainafuri yagaisugu mondok logoino o. Hinaiba logolik inom, enda'ma nen inom, set walikhi logolik inom, hinenggi wanhi logolik inom, pilingitu mondok logoino o.

2 TAWARIKH 30:12

At raja inom it agoromi pegawai inom he wene melalogo wulafikhe mene a'nogo, higithogo hilingisuageluk he At Allah nen he it afuni Yehuda meneba welagaukwa mene omanogo inendawinggen misik asuageluk hilingfisasikhe.

2 TAWARIKH 15:17

At Asa nen he o kweang at welagaikhe meneba andoma re afuni inanggembu fogeratarek kwe omanogo mondogat weaget fisasikhe lek oba nen he, at Asa eluk welagaikhe huli andi re aren Tuhan oba tiphogo mondok welagaikhe.

1 SAMUEL 22:14

A'nogo isikhemo at Ahimelekh en ikhi logolik he, ”Andiba nen he, at Daud andi re hun hat hagoromi sikhe fisogo mene inogogwi lego mene perwira omanogo nen mondok tiphogo nek hilingitarek mene re athe lek nogo a? At andi re hun hat honggwarek heamal, nen hat honggwarek kagalharek mene omanogo inoe, nen hun hat hawi silimo welagaikharek mene mondogaren at enek he, along anggikhi logolik legeisogo fikhi lagep mene o.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

YESAYA 38:3

Samban ikhi logolik he, ”Tuhan neisena, an yi re Hat hobaget ninghogo hilingiti logolik, hoba lomborogo welagik, hane hologo hilingitik, ikhi lagi mene a'nogo hilingi'mo re ebetnean o. An nen he Hat hendawimo anggikhi lagen mene nek hilingiti logogin iluk mondogat hilingiti lagi o,” iluk samban isikhesik Hizkia a'nogo le hokhorogo agaikhe.

2 SAMUEL 8:15

A'nogo at Daud en it afuni Israel mene mondogat halfisikhi logolik he, aren againafuri Israel mene inoba fanorogo hilingfisigik, higithogo hilingfisigik, ikhi logogin iluk hilingiti lagaikhe.

KELUARAN 20:24

An nobaget mezbah kweang tangge meneba misik ekhe wutfuluk he, andoma hinanggo domba inom sapi inom waluk he, warogo nolhu mene inom, hinagap telogo iluk wam anggerang anggo fogoin mene inom, fei wagunogo. Obalik ebe lombok wenagaisogo fagain kwe andoma hiren An nobaget hilingiti logogun oba iluk seleget foumo, andoma an nebe we'luk fanot hinobagakhi logogin.

MAZMUR 26:11

Oba nen an enek he nendawimo mondok fanorogo welagimo re, hendawi hundik nabimbik he fikhalogo nobagain o.