MAZMUR 100:2 - Allah Wene Fano Wene Hupla Inane

² At oba waga logolik he, wuni warik-warik waga logoino. Allah faget hilingiti logolik he, hinendawimo hinagaiyek oba hilingiti logoino.

MAZMUR 100:2 Referans Kwoze

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

MAZMUR 71:23

An nen wuni fogethafu awuni Hat hobaget ikhi logolik he, an mondok nagaiyek hokho meneba wonoget fakhikhi logogin. Haren an nagap telogo nobagegenma re, an nebe nendawinggen oba nenat mondok nanggilukhogo nawuni wulagaisogo fogethafu welagirek.

MAZMUR 95:2

Niren wuni hai watu awuni warik-warik At were'ma louwogen we'ni o, wuni At fogeratu awuni ikhi logolik hinagaiyege'ni.

ULANGAN 28:47

Hit hineisena Tuhan Allah nen yi mene ti meneba mondogat fanothinobagaikheba nen he, hiren At obaget hinendawinggen hinagaiyek oba inom, hinendawinggen sakhorek oba inom eberogo meneba hilingiti legep lek.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

ULANGAN 16:14

A'nogo kabogeti logolik, hit hinagainafuri inom, hinamingmingengge inom, afuni Lewi mene inom, ap pok mene inom, yenggerugwi suarek mene inom, hemi sogwe mene hit hinawi kota ba werek mene inom, seberogo hinagaiyegeti logogun.

1RAJA-RAJA 8:66

A'nogo inenggi 7 ba hilingiti lagaukwasik, inenggi ekhe 8 oba at Salomo nen it afuni omanogo inawilokwe pugulogo lakfisasikhemo, mondogat pugulhi logolik, nineisena Tuhan nen amingmingengge Daud inom, againafuri inunggulenu Israel mene inom, yi mene ti mene wogisasikhe andi nen Salomo agaukhogo fogeratukwasik he, inendawimo inagaiyegen inagayegerik lagaukwa.

2 TAWARIKH 31:2

At Raja Hizkia nen he it ap imam inom, nen Lewi inap inom ineabu kurik werek higit-higit fisilik lagaikhe. It yabu sumburisilik lagaikhe mene andi re ebe yi: Iren wam Tuhan endawimo agaiyek hoageluk warogo nolhik, wam At Tuhan nen fanot ninobagauwageluk kino yagati logolik warogo nolhik, o Tuhan Awi wuri'mo omanogo wene kabogetuba yabu hilingitik, o Tuhan Awi elonggokwe omanogo nen Tuhan foget fikhi logolik hai watik, hilingiti logouwageluk sumburogo wogisasikhe.

2 TAWARIKH 29:30

It afuni holhu mene inogogwi omanogo inom, at raja inomen he wuni at raja Daud en felalhikhe mene inom, hun nabi Asaf en felalhikhe mene inom, wuni Tuhan obaget fogeratu awuni omanogo it ap Lewi inaben wulabuageluk yagaisasukwama iren wuni omanogo wulagaisogo watu kwelek he, it ap mondogat a'nogo re wuni inagaiyek oba wati logolik he, ineindep awi yagaisogo Allah apne wanhi lagaukwa.