MAZMUR 10:18 - Allah Wene Fano Wene Hupla Inane

¹⁸ It yenggerugwi suarek mene inom, afuni sebelogo fisagarek mene inom inawene re, afuni nen it inoba inailo mene hilingfisanogoluk he Harenat inebikhit aga lagen.

MAZMUR 10:18 Referans Kwoze

MAZMUR 82:3

Yenggerugwi suarek mene inom afuni lebelek mene inom, inebikhit a'luk he inili woginafi logoino, it ap inenggi lek mene inom, elo'lekhogo werek mene inom inoba higithogo nek hilingfisikhi logoino.

MAZMUR 9:9

Aren he it afuni inunggulenu lombok omanogo katokhogo nek melalinaferek, nen it inebere inawene ayo palogo pilingfuluk mondok higithogo nek tegeterek.

YESAYA 11:4

Ap inenggi lek mene re inawene heirogo palinafik, afuni inamu nen hilingisu elo'lek mene inebikhit a'luk leberisigik, ikhi logogin. Ap weak hilingitu mene re At ane miming oba unggum wogisigik, Nen ap inobaharoba nek hilingitarek mene re inebe inoatik, ikhi logogin.

MAZMUR 17:14

It afuni o kweangma yoma inangge kabogetu mondok logolik werek mene andoma inoba nen fikhalogo nobagakhi logoino. Enggin fenggin it afuni andi inoba fisugu mene iluk Haren foukhogo fisegen mene a'nogoba it unggum wogisikhi logoino o. Nen, it inagainafuri inom, inombawi iren taginabugun mene inom ogo a'nogo nek unggum inoba fikhi logoino aro.

MAZMUR 74:21

It afuni it ekhe nen sebelinarek werek mene andoma inenggali asuageluk herak fisa fuk, It afuni enggin-fenggin hugu werek mene inom, inelagaik mene inom andoma nen he, Harenek fogethafi logouwak.

MAZMUR 72:4

At raja nen he afuni inenggi lek mene inangge faget ili wanhi logouwak, nen aren it afuni inelagaik mene inom athe afuni sebelogo fisagarek mene omanogo mondogat leget fisigik, ikhi logouwak.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

ULANGAN 10:18

At he, yenggerugwi suarek mene inom, hemi sogwe mene inom, afuni ekhe nen weak hilinginafi'lek higithogo hilinginabuagaluk it inebikhit agarek. Andi nen, ap pok mene nit ninom welagorek mene andi endawi mondok logolik, inamburu nunggu mene inom, inasu laberugu mene inom, wogisikherek.