MAZMUR 10:13 - Allah Wene Fano Wene Hupla Inane

¹³ Nenahalok it afuni weak hilingiri'lagwi mene andoma nen Allah inendawimo seramet fuluk, nit Allah nen wene ninoba fagain lek iluk hilingiri'lagwi nogo?

MAZMUR 10:13 Referans Kwoze

LUKAS 10:16

A'nogo yagaisasikhesik he, at agoromi ane wanhi lagaukwa mene omanogo yagaisikhi logolik he, mel isikhe: ”It afuni nen hit hinane holi'lagwi halok he, an naneat holi'lagwi o. Nen, ninabit, iluk herakhinobagaga halok he, Anat heraknobagaga o. Nen, An heraknobagaga halok he, An laknobagai wagaikhe mene a'nogo Ebeat herakfisaga o,” iluk a'nogo yagaisaluk he, lakfisasikhe.

MAZMUR 74:18

Tuhan neisena, it haselei mene nen Hat henu sebelogo fili'lagwi mene andi wenggelhan o, it afuni inunggulenu inap Hat inonggot mene nen Henu weagerogo fili'lagwi andi.

MAZMUR 74:10

Neisena Allah, it Hat haselei mene nen ki huli li'not hafu logogun nogo? Hat henu weagerogo fugu mondok werek andi re, a'nogo nek hilingitu logogun nogo a?

BILANGAN 11:20

We, tugi misik inukhogo ninggi logogun o. A'nogo nunggu mondok logombik wurep oba re, hinoba ou agik, hebak wutik, ikhi logogun o. A'nogo hilingisugun andi re, An Hineisena Tuhan nebe hinanggele'ma welagi mene andi herak nobagegepsik, ninaiba Mesir herakfisaluk wago andi ninabire, iluk oba ebeti logolik neilhanem le aga lagep andi nen aro, iluk ikhe, yagaisano,” iluk yagatikhe.

KEJADIAN 9:5

Afuni nen inom, wam, sue, paik en inom, afuni inebe inoasugun halok inebe lombok An nen wene inoba fembik mondok inoasigin o.

1 TESALONIKA 4:8

Wene andi hit ekhe nen herakfisikhi lagep halok he, nit afuni ninane mene herakfisikhi lagep fuk. Lego. We, Allah nen Areagun hit wokhisikherek mene a'nogo ane meneat herakfisikhi lagebo.

KEJADIAN 42:22

Andi isukwama at Ruben a'nogo nen ikhi logolik: ”An nen attak aremnogo abo andiba wene yi'nogo ti'nogo hilingisugun lek iluk yagahisasigi oba nen he, hit an nane holhi'legengge hilingitigip a'nogo re yogondak nit ninagot wasugun iluk isugu a'nogo nen wene ninoba fili'lago ari,” isikhe.

ULANGAN 29:18

Arigini'mo re hit afuni andoma hinanggele'ma nen ekhe ap mene a, he mene a, it o hulu misik mene he a, it henawi misik mene he a, ya mendek welagep mene misik ekhe nen nit nineisena Tuhan Allah a'nogo herakfuluk afuni inunggulenu amu mene nen amu mene faget allah ap-ap elalfuluk apne wanharek mene andoma inoba apne wanilagep hanogore furogo kagalek logoino. Hiren a'nogo hilingisugun halok he omanggen ale weak mene inom, wa'lagaikharek mene inom wuliferek a'nogo hakhogo asugun o.

AYUB 24:12

O kota kwe omanogo re ap inebe weak-peakhogo logolik he nginugeri'lagwi, nen it inoumo werek mene nen he hilingninabi we'lep ago iluk inane kweri'lagwi, oba nen he iren samban ugu mene andi At Allah nen esanggo holi'lago lek, nen Aren it inane hologo hilingiri'lago legat.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.