MATIUS 8:3 - Allah Wene Fano Wene Hupla Inane

³ A'nogo yagatikhemo re, at Yesus nen ap a'nogo enggi fakfesikhesik he, ”An nen fano higithabigeluk ikhi lagi. Halok he, hoba fano ame o,” iluk yagatu kwelek aremnogoat oumo henanggo hangge inailo mene a'nogo mondok legagaikhesik ebe fano agaikhe.

MATIUS 8:3 Referans Kwoze

LUKAS 5:13

Yagatikhemo re, at Yesus nen ap a'nogo enggi fakhikhi logolik he, ”Fano higithabigeluk ikhi lagi. Halok he, fano ame o,” iluk, yagatu kwelek aremnogoat he, oumo henanggo inailo mene a'nogo mondok lek agaikhe.

2 RAJA-RAJA 5:14

A'nogo yagatukwama, at Naaman i Yordan ima lagaikhesik he, at Elisa nen yagatikhe hagat ima enggi 7 ba pisikhe. A'nogo pisikhemo, at ebe fano agaikhesik agap ap alage mene inagap hangge hilinglagaikhe.

MARKUS 1:41

Yagatikhemo re, at Yesus nen, at ebe endawi agaikhesik he, enggi fakfesikhesik mel isikhe: ”An nen fano higithabigeluk ikhi lagi. Halok he, hoba fano ame o,” iluk yagatikhe.

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

MARKUS 4:39

Yagatukwama, at eluk agaikhesik he, sogoi a'nogo wenagati logolik, ”Habolok legame,” isikhesik, i a'nogoba re, ”Hane legame,” iluk yagatikhemo re, sogoi palagik, i ha'labu mondok hambuk igik, isikhe.

2 RAJA-RAJA 5:11

A'nogo yagatikhemo, at Naaman esanggo holhikhesik he, a'mage lagasikhesik wene mel yagatikhe: ”Nagore. An nendawimo nen he at ebeat noba wulibi we'lepsigen, eisena Tuhan Allah enu hombuk palogo samban iknobagakhi logolik, enggi noumo ba sebel fugunem lek a'lep iluk anggigi meneat he, kamo ikhe andi nenahalok.

KEJADIAN 1:3

A'nogo hilingitunem At Allah nen ikhi logolik mel isikhe, ”O wei uago.” iluk isikhemo, arat wei isikhe.

YOHANES 11:43

hobuk ane hokhorogo ikhe logolik he, mel yagatikhe: ”Lazarus. Wulibime o,” iluk yagatikhemo,

LUKAS 7:14

yenggerek warek e yerogo waluk wagaukwa a'nogo era'lu lagaikhesik he, enggi fakhasikhe. Enggi a'nogo fakhugunem afuni nen warek e ye'luk wagaukwa mene omanogo menlagaukwa. Menlagaukwama re, at Yesus nen yenggerek warek a'nogo yagati logolik he, mel isikhe: ”Namlogo yi! Helugame, iluk yagaheti lagi o,” iluk yagatikhemo re,

MARKUS 9:25

Yagatunem, afuni ekhe fungusek oba andogosi wagunem, at Yesus eilenggen yerisasikhesik he, munggwarengge obabut weak mene a'nogo wenagetikhe. Wenageti logolik he: ”Hat munggwarengge hobabut weak mene yi nen, yenggerek yi ane lugulugwit figik, esanggo tagumet figik, ikhi lagen andi, endawimo nen henegeisogo wulibi lan. Wulibi lambik he, hobuk endawimo kwi wesigin mondok lego, iluk yagaheti andi aro,” iluk wenagetikhemo re,

MARKUS 7:34

A'nogo fesikhesik eilenggen pogoroba liakhasikhesik he, ambenguluk, nit ninaneba: ”Hane inom, hesanggo inom hu'lasuak,” u hak he, it inaneba: ”Efata,” iluk yagatikhe.

MARKUS 5:41

Kwisukwasik, enggi fakhasikhesik he, nit ninaneba, ”Hele yi, na'logo. Menla'nogen iluk yagaheti lagi o,” iluk u hak, it inaneba: ”Talita kum,” iluk yagatikhe.

YOHANES 15:24

It afuni fenakwe nen hilingitarek mondok lek mene, yi wene ti wene ineilhanem hilingiti lagagi a'nogo hilingiti logoile le'ma re, it weak, iluk ile lego. A'nogo meneat he, an nen wene andi mondogat hilingitunem ineilenggen neasukwasigen, an neisena nemberek inabiret ninobagali'lagwi o.

KELUARAN 4:7

A'nogo hilinglagaikhemo, Tuhan nen ikhi logolik he, ”Nekhengge henggi hasu elema kwelakfein o,” isikhemo, Musa enggi kwelakfesikhesik lisogo wulakfei wagaikhemo enggibene omanogo mondogat le'ma hasikhe.

MATIUS 12:13

A'nogo yagaisasikhesik he, ap a'nogo mel yagatikhe: ”Henggi pisathan,” iluk yagatikhemo, enggi a'nogo pisat hugunem he, enggi fenakwe emberek higirat fano mondok agaikhe.

LUKAS 4:27

Nen, ap Elisa nen Allah ane yagaisikhi lagaikhe andem higit he, o afuni Israel mene were'ma andoma ou henanggo hangge a'nogo mene hokhorogo welagaukwa meneat he, ekhe higirinafi lagaikhe mondok lek. We, ap Naaman aiba Siria mene andi amu nek higitikhe o, iluk, eberogoat yagahisigi,” iluk a'nogo yagaisasikhemo,