MATIUS 7:5 - Allah Wene Fano Wene Hupla Inane

⁵ Hinagap oba nek fano hangge logolik hinendawinggen pire yi ri! Hinonggwarek hineilenggenma e palek hokho mene andi tak wokhambigen, hineilenggen arat selek aga halok he, hobuk hinerugwi hinagaila'lak ineilenggenma ilingal werek mene andi elok wogisogoin o,” iluk yagaisasikhe.

MATIUS 7:5 Referans Kwoze

LUKAS 6:42

Hinonggwarek hineilenggenma e hokho mene palek walurek werek andi higi'lek logoligat he, hinerugwi hinagaila'lak andi yagaisikhi logolik, heilenggenma ilingal kwikhe mene andi wokheago, iluk ugun nogo? Hinagap oba nek fano hangge hinendawinggen pire yi ri! Hinonggwarek hineilenggenma e palek hokho mene walurek werek andi tak wokhambigen, hineilenggen arat selek aga halok he, hobuk hinerugwi hinagaila'lak ineilenggenma ilingage werek mene andi, elok wokhogoin o,” iluk yagaisasikhe.

LUKAS 13:15

at Yesus nen he, ap a'nogo mel yagatikhe: ”Hit hinagap oba nek fano hangge logolik, hinendawinggen pire mene yi ri! Hit hinebe mondogat hinenggi Allah faget weat logolik meneat he, hinanggo wam sapi a, keledai a, awi wuri'mo nen kwe hurogo hele fikhalogo wulak fuluk he, i noageluk woginarek laga lagep lek nogo? Woginarek laga lagebaro.

LUKAS 4:23

A'nogo fogeratukwama, at Yesus nen he, mel yagaisasikhe: ”Afuni nen, hundik-handigat ikhi logolik, hat hebe ap dokter hangge andoma re, hoba ou andi honggwaregen higiran o, iluk agarek mene, hiren lagokhogo an yaganesugun higi. A'nogo yaganesimbik he, o Kapernaum hilingiti lagen mene holhi lago andi hak he, yogondak honggwarek haiba yoma a'nogoat ekhe hilingisin o, iluk yaganesuogeluk ikhi lagep higi,” iluk a'nogo yagaisasikhesik ekhe mel yagaisasikhe:

MATIUS 22:18

at Yesus nen it ap andi inobabut weak enegat palhikhesik he, ”Hit hinagap oba nek fano hangge logolik, hinendawinggen pire mene yi ri! Nenahalok nobabut paluogeluk ikhi lagep.

LUKAS 12:56

Hit hinagap oba nek fano hangge hinendawinggen pire yi ri! Kweang pogot elokhonggen futfuluk he, a'nogo hilinglasigin iluk hinendawinggen wenggelek logolik, obabut enegat palhi lagep meneat he, o yogondak welago yaba yi'nogo hilinglasigin, iluk futfigi'lek welagep andi nenahalok,” iluk yagaisasikhe.

KISAH PARA RASUL 19:15

Walhugunem, at munggwarengge obabut weak mene nen he, ”Yesus andi ebe, an nelu. Nen, Paulus andi ebe, abok holhirek meneat. Mene re, hit yi sani he. An nonggoro,” iluk yagaisasikhesigen,

MATIUS 7:3

Hit hinonggwarek hineilenggenma e hokho obakhe palek mene werek andi kwelakhigi'lek logoligat he, it hinerugwi hinagaila'lak ekhe ineilenggenma ilingal endep mene kuluk were'ma wogisuogeluk kwelagisikhi lagep andi nenahalok.

MATIUS 7:4

Hinonggwarek hineilenggenma e hokho mene palek walurek logoligat he, hinerugwi hinagaila'lak andi yagaisikhi logolik: Heilenggenma ilingal kwikhe mene andi wokheak, iluk ugun nogo?

MATIUS 7:6

A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.