MATIUS 4:11 - Allah Wene Fano Wene Hupla Inane

¹¹ A'nogo yagatikhemo re, Iblis a'nogo Yesus herakfisaluk lagaikhemo re, malaikat pogoroba nen Yesus oba pi wagaukwasik he, kwalogo welagaukwa.

MATIUS 4:11 Referans Kwoze

MATIUS 26:53

Yogondak an nebe elele wo'nabuageluk he, neisena kino yagasumo, aren it malaikat Allah nen pogoroba yonggo pelakfisa wagarek mene omanogo inebe esa 12 nen endebat meneat he, esa mondok hokhorogo inayonggo foumo, folfuluk telnabi wesugun elo'lek anggegen?

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

LUKAS 22:43

[it malaikat Allah nen yonggo lakfisikherek mene ekhe pogoroba nen oba pi wagaikhesik he, endawinggen ago watfesikhe.

LUKAS 4:13

A'nogo yagatikhemo, at Iblis nen Yesus obabut paligeluk yi walhigik, ti walhigik, isikhe menere elo'lek agaikhemo re, hobuk yagatunem elok asigin he a, iluk, herakfisaluk lagaikhe.

IBRANI 1:6

Andi nen he, Allah nen amlogo misigat tago kweangma yoma pelakfei wagaikhe andi sambul he, it malaikat yi'nogo yagaisasikhe: ”Hit An nagoromi malaikat mondogat he, at enek oba himbirik logolik fogerati logoino o,” iluk yagaisasikhe.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

LUKAS 22:53

Hundik-handigat Allah awi wuri'mo hit an ninom logolik faknobagagi'lek welagepsigen he, yogondak yi nek he, o mum eise welagarek mene a'nogo omame agama re, hiren faknobagagun higit obaat wagep yi o,” iluk yagaisasikhe.

MARKUS 1:13

Waluk lagaikhemo re, o leimo afuni le'ma andoma enggi 40 hari werek kwelek, Iblis nen endawimo kagaligeluk oba waga lagaikhe. O andoma re, paik aiba were'ma malaikat Allah pogoroba nen yonggo pelakfisa wagarek mene omanogo ekhe pi wagaukwasik he, kwalogo welagaukwa.

MATIUS 4:6

mel yagatikhe: ”At Allah nen: Hat heisok helep oba temukhogo waranogo iluk, an nagoromi malaikat pogoroba yonggo pelakfisa wagirek mene omanogo nen inenggi talek oba wokhabuagen yagaisagain o, iluk isikhemo lisu palek werek andi, hat eberogoat Allah amlogo halok, pok harogo maroma pin,” iluk yagatikhe.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

1RAJA-RAJA 19:6

A'nogo yagatikhemo, at Elia era'lu eil kwelakhasikhe re, sumburu roti werago mene inom i iwak kweang mene hilingik meneba hinago mene inom unggul oba nogo isikheba higit were'ma hasikhesik he, sumburu ninggik, i ninggik, isikhesik he, hobuk nogo isikheat.