MATIUS 27:2 - Allah Wene Fano Wene Hupla Inane

² enggi hele warogo at Pilatus ebe Gubernur kain were'ma oba waluk wagaukwasik he, wogetukwa.

MATIUS 27:2 Referans Kwoze

KISAH PARA RASUL 3:13

Nineisena Allah andi, Abraham inom, Ishak inom, Yakub inom, ninombalak ekhe inom, ineisena Allah andi nenat he, amlogo Yesus esinet fesikhe andi. Mene re, hiren, it ekhe nen wasuageluk inenggiba fegepma re, at Pilatus nen enggi hele fikhalogo wulakfeigeluk ugunem, hiren he, Ap andi ninabiro, iluk egep a'nogo.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.

1 TIMOTIUS 6:13

Allah nen afuni ninebe inom, yi mene ti mene inom, mondogat ninelugetninaferek mene a'nogo eilhanemat, Kristus Yesus afuni nen ap Pontius Pilatus oba waluk lagaukwama, ane eberogoat fakhogo yagatikhe a'nogo eilhanemat, wene yi komorogo yagahesigin.

LUKAS 13:1

Andi sambul he, it afuni ekhe nen Yesus yagati logolik, mel isukwa: ”Afuni Galilea mene Allah anggo waretunem, at Pilatus nen it inamep inom, Allah anggo wareta mene amep inom, misikwe yugulogo inoate o,” iluk yagasi wagaukwa.

IBRANI 13:3

It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.

2 TIMOTIUS 2:9

An fano wene a'nogo yagaisilik nugunem, it afuni ekhe nen, it ekhe weak hilingiri'lagwi mene hilinginabu hak, an yi enggin ti enggin hilingnafik, nenggi hele watik, ili'lagwi meneat he, Allah ane andi hele homasugun elo'lego. We, hele fikhalegat werek.

KISAH PARA RASUL 28:20

Nit afuni Israel mene nen he, ap ekhe wesigin o, iluk ninendawinggen at oba eberek welagorek a'nogo fagerat nenggi hele warogo nobagasukwama welagi yi. Andi nenat he, hit hinebe noba wagunem wene yagahisageluk hinayonggo figi andi o,” iluk yagaisasikhe.

KISAH PARA RASUL 24:27

A'nogo ugu werek kwelek, mo lagagik pigik 2 tahun welagaukwasigen, hobuk Feliks obali'mo ap ekhe enu Perkius Festus gubernur asuageluk menfesukwa. Menfouwogeluk ugunem, at Feliks nen he, ”It afuni Yahudi mene inendawimo fanorogo,” iluk Paulus enggi hele waregat herakfesikhe.

KISAH PARA RASUL 22:29

A'nogo yagatikhemo re, irat yei wasuogeluk isukwa mene omanogo nen weak-weak hekhogo herakfesukwa. A'nogo herakfesukwama, ap kain a'nogo endawimo nen he, ”Paulus ebe o Roma awiwerek mene werek kwelegat, enggi hele watimo yi nailo e,” iluk ailo hokho agaikhe.

KISAH PARA RASUL 22:25

A'nogo yagaisasikhemo, iren ebe yei wasuogeluk hele warogo fesukwama, at Paulus nen he, ap tentara mene kain ekhe andoma mendek were'ma mel yagatikhe: ”Hiren, ap ekhe o Roma awiwerek meneat he, wene oba figi'le'ma yei tak wasugun nogo?” iluk yagatikhe.

KISAH PARA RASUL 21:33

Herakfesukwama ap tentara inoe kain a'nogo ebe Paulus oba horokhogo lagaikhesik, ebe fakfuluk he, agoromi nen posie omanggen pireba enggi hele wasuageluk yagaisasikhe. Yagaisasikhesik he, ”Ap yi sa nogo. Ninggi'nogo hilingitemo,” iluk heinok wanhikhe.

KISAH PARA RASUL 12:6

Samban a'nogo ugu kwelek he, at Herodes nen ohealekwe re Petrus ebe waganogo afuni inenggiba feigeluk endawimo anggasikhesik, oan werek kwelek he, o andi sambul hubanggo, ap tentara mene omanogo, it inebe ekhe kweba kagalek werek kwelek, inebe pire ekhe Petrus enggi fena-fena hele homago nogo ugu kwelek, it abel fena-fena logolik hele elugun inenggiba kelogo welagaukwa.

KISAH PARA RASUL 9:2

”Noe. An o Damsyik lambik he, it afuni ekhe Yesus ane wanhi logolik ombo'ne nikho mene ekhe werek halok, hemi inom, ap inom, heraginabimbik he, inenggi hele warogo woginarek o Yerusalem yoma fisa wesigen he, it afuni Yahudi mene o kota Damsyik andoma o samban agarek kwe lombok andogori'lagwi mene faget surat ekhe palogo wo'nom o,” iluk yagatikhe.

KISAH PARA RASUL 4:27

A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.

YOHANES 18:24

hobuk at Hanas nen he, at Yesus enggi hele warogo, ap Kayafas ebe ap Allah eisewerek mene inoe kain a'nogo oba waluk loageluk lakfei wagaikhe.

YOHANES 18:12

Wene a'nogo iluk isikhemo re, it ap tentara mene esa hokhorogo omanogo inoe kain ekhe inomat, nen it ap Yahudi mene Allah awi kagalek welagaikharek mene inomen he, at Yesus ebe fakfesukwasik, enggi hele watukwa.

LUKAS 20:20

Kamo isukwasik hobuk, aren ane igin oba ebe enggin oba fouwogeluk, at gubernur afuni ferinarek logolik wene inoba figik, kotik, ikherek mene eisewerek mene nen wene oba fouwageluk, ap ekhe inobabut fano hangge Yesus ineil wani loageluk lakfisa wagaukwa.

LUKAS 3:1

Ap kain enupogot Kaisar Tiberius andi afuni Roma mene mondogat at enggiba ferinarek 15 tahun werek kwelek andi huliat, ap Pontius Pilatus andi ebe gubernur o Propinsi Yudea welagaikhe. Nen, ap Herodes andi ebe kain logolik, o Galilea tonggwe andoma ferinarek welagaikhe. Nen, ap kain Herodes agot Filipus andi ebe kain logolik he, o Iturea andoma inom, o Trakhonitis andoma inom, ferinarek welagaikhe. Nen, ap Lisanias andi ebe kain logolik, o Abilene andomaat ferinarek welagaikhe.

KEJADIAN 22:9

It a'nogo laga lagaukwasik, o Allah nen Abraham yagatikheba a'nogo arat lagaukwasik, Allah faget ekhe warogo nolesugun oba obalik halogo, helep sengget warogo e amboloba fesikhesik, amlogo a'nogo enggi hele warogo re, amboloba weingfesikhe.

MATIUS 28:14

Wene hilinglaga mene andi faget he, at gubernur esanggo holhe halok, hiren wene ninoba asinogo iluk, niren at endawimo kagalugun o,” iluk isukwama re,

LUKAS 23:1

Wene a'nogo isukwasik, afuni inebe welagaukwa mene omanogo mondogat menlagaukwasik he, Yesus Pilatus oba waluk wagaukwa.

LUKAS 23:12

Attak he, at Herodes Pilatus emberek weim palek hangge welagaukwa meneat he, a'nogo lakfesikhe andi sambul emberek fano agaukwa.

YOHANES 18:28

A'nogo hilingi'luk, sue ane isikhemo hup siakhogo at Yesus ap Kayafas were'ma nen, o wene inoba figik kotik agarek oba waluk lagaukwa. Waluk lagaukwasik he, Yesus enek oloba kwelakfesukwasik, ”Nit seni Paskah a'nogo mene ninggi logou ha'ma, ninabisak kumo re, nit ninebe weak fakhogo hanogo,” iluk he, o wene inoba figik, kotik agarek oba andoma kwigi'lek we o silimo kamo isukwa.

HAKIM–HAKIM 15:12

A'nogo yagaisasikhemo, it ap omanogo nen he, ”Nit he, hat henggi hele warogo afuni Filisitin mene wogisa louwogeluk wago o,” iluk yagatukwa. A'nogo yagatukwama, at Simson nen he, ”Hiren he, niren hat hoasugun mondok lego, iluk hombuk tak palini o,” iluk yagaisasikhemo iren he,