MATIUS 26:2 - Allah Wene Fano Wene Hupla Inane

² ”Ninenggi pire logombigen seni Paskah hilingisugun andi hit hineluaro. A'nogo hilingitu kwelek, an abat ta'lasi wagagi a'nogo, aben yonggo lambik, it ekhe nen eba mennobagambik noasuageluk inenggiba nobagagun o,” iluk yagaisasikhe.

MATIUS 26:2 Referans Kwoze

YOHANES 18:2

At Yesus agoromi ane wanhi lagaukwa mene omanogo inenggi ekhe sambul lagik, ekhe sambul lagik, andoma andogosi laga lagaukwama a'luk he, at Yudas Yesus wasuageluk yonggo lagaikhe mene a'nogo yabu andi elu welagaikhe.

YOHANES 11:55

Welagaukwa andem sambul he, it afuni Yahudi mene seni enu Paskah nenggarek a'nogo mene nogoin oba arat horogasi wagaikhemo nouwogeluk logolik, it inenggi sabul horogo iluk, Yahudi mene hilingitarek hak hilingisuogeluk, inawi lombogen o Yerusalem andogoti lagaukwa.

MATIUS 17:22

Hobuk he, at Yesus agoromi inom o Galilea andoma andogotukwasik logolik he, mel yagaisasikhe: ”An abat ta'lasi wagagi a'nogo re, aben yonggo lambik it ekhe inenggiba nobagaumo

YOHANES 12:1

Wene a'nogo isukwasik werek kwelek, inenggi fuaben welagaukwasigen ekheba seni Paskah a'nogo mene nouwogeluk oan werek kwelek, at Yesus o Betania ap Lazarus wa'lagaikhemo nen eluget fesikhe a'nogo awiba wagaikhe.

YOHANES 2:13

Andoma werema nen, it afuni Yahudi mene nen he: ”Attagat Allah nen telninafikhe,” iluk, inendawimo eberek logolik wam domba warogo seni hokho isatarek mene enu Paskah faget nogoin oba arat horok agaikhemo re, Yesus o Yerusalem pisikhe.

LUKAS 22:15

Hu'lagaukwasik, aren mel yagaisasikhe: ”An yi enggin ti enggin hugu kwelek noasugun andi, oan hilingnafi'lek werek kwelek, seni Paskah nagoromi ninom nelo e, iluk, nendawimo namolo anggigi hagat ninom nogoin o.

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

KELUARAN 34:25

Seni a'nogo hilingisuogeluk wam An faget nobagagun mene senggelhi logolik, yi mene ti mene sumburu roti enggen fisuageluk pelafarek mene inom pelagaisogo weragongge An faget ekhe nobagagun mondok lego. Nen, linggene wam seni Paskah andi faget nouwogeluk wera'luk he, ekhe ohealek mene faget figi'lek o hubanggo andi sambul felelenghogo ninggi logoino o.

MATIUS 10:4

Simon ”O Kanaan yoma ninawi werek mene nek logouwogo,” iluk ikhi lagaikhe mene a'nogo inom, Yudas Iskariot Yesus wasuageluk yonggo lagaikhe mene a'nogo inom, inenu andem menfisasikhe.

YOHANES 18:32

Inane a'nogo yagatukwa andi re, at Yesus nen wene fageat yagaisikhi logolik, ”An yi'nogo hilingnabimbik noasugun,” iluk ikhi lagaikhe mene a'nogo, it a'nogo hilingitukwama, at ane ebe agaikhe andi.