MATIUS 21:6 - Allah Wene Fano Wene Hupla Inane

⁶ Lakfisasikhemo re, it agoromi a'nogo lagaukwasik, at Yesus nen yagaisasikhe higithogoat hilingiti logolik,

MATIUS 21:6 Referans Kwoze

YOHANES 15:14

Nen, an nen komorogo, yi'nogo hilingi'no ti'nogo hilingi'no, iluk yagahisikhi lagi mene andi, nane hologo hilingiti logogun halok he, hit an nagaila'lak aro.

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.

KELUARAN 40:16

A'nogo yagatikhemo re, at Musa nen he, Tuhan nen mondogat komotikhe mene omanogo higithogo nek hilingirik lagaikhe.

KELUARAN 39:43

Musa nen he iren yabu hilingitukwa mene a'nogo eil hilik lagaikhesigen, Tuhan nen hilingi'no iluk yagatikhe mene aremnogo higithogo nek hilingitukwa. A'nogo hilingitukwama at Musa nen it afuni a'nogo inoba fanoabet fisasikhe.

KEJADIAN 12:4

At Abram ebe umur 75 tahun oba, Tuhan nen yagatikhe higithogoat o Haran herakfisaluk o Kanaan wagaikhe. A'nogo wagaikhe andi re, agwe Sarai inom, agot amlogo Lot inom, inomen o Haran logolik afuni ekhe it inamingmingengge asuageluk woginafukwa mene inom, inangge yi mene ti mene sumburogo helasukwa mene inom, helaluk wagaukwa. O Kanaan arat wagaukwasik he,

KEJADIAN 6:22

A'nogo yagatikhemo, at Nuh wene Allah nen, yi'nogo hilingi'no ti'nogo hilingi'no, iluk yagatikhe hagat mondogat higithogo hilingitikhe.

MATIUS 21:5

”Afuni o Sion mene yagaisikhi logolik he, Hinoe Enupogot hinoba weri'logo o. Obabut enago logolik, wam keledai amboroba hu'lagasik, keledai eak mene nen waluk weri'logo, iluk yagaisan o,” iluk isikhe andi emberek higithogo hilinglasuageluk, at Yesus nen a'nogo lakfisasikhe andi.

MATIUS 21:7

wam keledai a'nogo eak emberek waluk wagaukwasik he, inasu endakwe laberek mene nonggologo wam aremnogo inamboloba talogo fesukwama re, at Yesus ebe hu'lagaikhe.

YEHEZKIEL 12:7

A'nogo yaganetemo an nen Tuhan nen wene yaganete mene a'nogo higithogo hilingiti. Linggene andi sambul enek, o linggene werek kwelek, nasungge omanogo su kwalogo foukhogo figirik he, it ap o ekhema higilogo laluk logouwogeluk hilingitarek hakhogo hilingiti. O hubagu kwelek aremnogore, an nenggi nen nawi a'nogo folelek ekhe folel figirik, folelek a'nogo elekwe wilifi. Afuni mondogaren ineilenggen werek kwelek sungge yeligengge a'nogo nomoloba harogo waluk lagi.