MATIUS 21:5 - Allah Wene Fano Wene Hupla Inane

⁵ ”Afuni o Sion mene yagaisikhi logolik he, Hinoe Enupogot hinoba weri'logo o. Obabut enago logolik, wam keledai amboroba hu'lagasik, keledai eak mene nen waluk weri'logo, iluk yagaisan o,” iluk isikhe andi emberek higithogo hilinglasuageluk, at Yesus nen a'nogo lakfisasikhe andi.

MATIUS 21:5 Referans Kwoze

YESAYA 62:11

Tuhan en afuni o kweang wurep-wurep welagaikharek mene andoma inoba yagaisoageluk wene yi'nogo warogo fikhe, ”Afuni Sion werek mene inoba yi'nogo yagaisano, ’Tuhan hinagap teligin mene a'nogo weri'logo a'li hani! It afuni fikhalogo fisasikhe mene omanogo inom seberogo weri'lagwi a'li,’ iluk yagaisani,” ikhe o isikhe.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

HOSEA 1:7

Oba nen he, An Tuhan, it ineisena Allah nen afuni Yehuda mene andi nendawirinabimbik telinabigin o. A'nogo meneat he, sikhe oba inom, karok oba inom, weim yafarek mene ekheba inom, ap tentara kuda ba lagaluk yafarek meneba inom, telinabigin lego,” iluk yaganete.

YESAYA 40:9

Tom uan mene ungguloba lagai lambik he, wene ebe mene o Yerusalem awene andi faget yagarisa lano o, hailo agi'lek hane hokhorogo kweti logolik wene fano wene andi o Sion faget yagaisano. It o kota-kota Yehuda ba andoma werek mene inoba yagaisikhi logolik he, Allah it ineisena re hobuk wesigin o, iluk yagaisano!

YEHEZKIEL 37:24

It he ap raja misik mene raja Daud hak mene a'ma sebetfisamo inenggi mondok-mondok andoma melalinafu logogin. Iren he tiphogo nek An nawene melalek omanogo hilingiti logogun. Nen inenggi mondok-mondok faget it inom iren tagomangge mene inom he kweang An nen Yakub wogotigiba it inambu inombalak welagaukwaba andoma logogun.

YEHEZKIEL 34:24

An Tuhan he it ineisena Allah asumo re raja An namingmingengge Daud higit mene andi re it ferinarek werek mene asigin. Iluk An Tuhan nen nane mondogat igi.

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

MATIUS 2:6

’Hit afuni o Yudea tonggwe o sili hokho mene enu Betlehem welagep mene yi sani! O sili fenakwe yoma enu werek, hilingik kwelegat he, o Betlehem yi nek he, enu lek, esanggoma hak, iluk ugun lego. An nagainafuri Israel mene ap kain mene awe a'ma logogun andi, o sili hit were'ma yoma hinanggele'ma nenat ta'lasigin o,’ iluk lisu palogo fesikhemo werego,” isukwa.

MATIUS 2:2

Wagaukwasik, iren he, mel isukwa: ”Afuni Yahudi mene inoe raja kain mene ta'lagasik werek a'naga, o ki ta'lagasik werek. Nit o mo yegelogo lagai wagare'ma andoma were'ma, ap kain andi ta'lagama iluk, hesagal ekhe weinam agama re, at andi ninendawinggen oba himbiret fuluk fogerasuogeluk hesagal andi nineilenggen nen waluk heinok wani wago,” iluk isukwa.

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

1RAJA-RAJA 10:26

At Salomo nen, kereta weim yafarek mene 1.400 nen andogorogo figik, nen ap kuda ambot oba lagaluk weim yafarek mene inebe 12.000 nen woginafik, isikhe. A'nogo woginafikhesik, it fenakwe o Yerusalem logouwageluk fisigik, fenakwe inebe hokhorogo re, o kota ekhema-ekhema ekhe logouwagaluk fisilik lagik, isikhe.

1RAJA-RAJA 1:33

mel yagaisasikhe: ”An nagoromi kaindek mondogat wolisambik he, namlogo Salomo oba lani o. Lambik he, at ebe an nanggo keledai ambot oba lagaluk nigirek mene a'nogo oba liakfembik, i Gihon elesimo waluk lano o.

2 SAMUEL 16:2

Lagaikhemo at raja Daud en mel yagatikhe: ”Yoma mondogat he, nena mene faget waluk wagen,” iluk heinok wokhasikhemo, at Ziba nen he, ”Wam keledai ya re, hat hagainafuri hinom amboroba lagaluk lagu mene iluk waluk wagi o. Nen, roti inom, e enggen inom yoma re, hat hagoromi noageluk waluk wagi ya. Nen, i anggur amusu keralek yoma re, it ekhe o leimo afuni le'ma yoma nugunem inomame lek agu halok nunggu mene iluk waluk wagi o,” iluk yagatikhe.

HAKIM–HAKIM 12:14

At amlogomi inebe 40 nen welagaukwa, nen at ombawi ap mene nek he 30 nen welagaukwa. It inebe lombok he inanggo keledai ai mene 70 nen amboloba lagaluk lagu mene faget fisogo welagaukwa. At Abdon nen he afuni Israel mene 8 tahun ferinarek logolik melalinafi lagaikhe.

HAKIM–HAKIM 5:10

Hit ap wam keledai kut mene amboloba talfuluk laga-lagep mene andi inom, hit hinasu wam oroa'ma talfuluk laga-lagep mene andi inom, Nen hit afuni ekhe hineisok oba laga lagep mene andi inom ninomame ago wene andi yagaisilik laga logoino!

ULANGAN 17:16

At raja halok he agoromi tentara sikhe fisogo mene faget wam kuda weim yaferek mene iluk hokhorogo fisogo logogin lek. At hineisena Tuhan Allah nen he afuni An nagainafuri yi o Mesir inambotkwe logoin lek iluk ikhemo re, it afuni yi o Mesir kuda hunisi loageluk ogo, athe kuda amu mene inom agamesi loageluk ogo, onggo pali lani iluk lakfisogoin mondok lek.

BILANGAN 24:19

Ap ekhe Yakub fikhit mene weinam asimbik, omame mondok hokho mene logolik, afuni at aselei mene inebe mondok legetfisagain o,” iluk isikhe.

YOHANES 1:49

At Nataniel en he, mel yagatikhe: ”Noe. Allah amlogo nit Israel mene ninoe kain Henupogot he, harat hiigi o,” iluk yagatikhe.

MATIUS 21:6

Lakfisasikhemo re, it agoromi a'nogo lagaukwasik, at Yesus nen yagaisasikhe higithogoat hilingiti logolik,

LUKAS 24:27

A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.