MATIUS 21:3 - Allah Wene Fano Wene Hupla Inane

³ A'nogo hele fikhalhunem, it afuni andoma mene ekhe nen he, ”Nenahalok kombi fikhalhi lagep iluk wene palha halok he, mel yagaisano: Ninoe Enupogot a'nogo nen wam yi mene legen he, waluk louwogeluk kombi fikhalhi lago, iluk yagatunem aren he, weak-weak lakfei wesigin a'naga,” iluk, wene warogo lakfisasikhe.

MATIUS 21:3 Referans Kwoze

KISAH PARA RASUL 17:25

Nit afuni mondogat he, arenat ninebe nineluget ninafik, nineleage wo'nisigik, yi mene ti mene wo'nisigik, ikherek andi nen, yi mene ti mene at elagaik iluk nit afuni nen wogosugun elo'lego.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

YOHANES 3:35

At eisena nen amlogo ebe endawinggen hundik logolik, yi mene ti mene mondogat at eisewerek logouwageluk wogetikhe.

MAZMUR 24:1

Kweang inom, yi mene ti mene mondogat oba welagorek mene inom, eisewerek ebere, nineisena Tuhan Allah amu welagarek.

EZRA 7:27

Surat a'nogo palogo wogetikhemo re, at Ezra nen ikhi logolik mel isikhe: ”Tuhan Allah nit ninombawi nen fogerati lagaukwa mene a'nogo o Yerusalem At onggwarek awi a'nogo haluageluk raja endawimo kagalhemo, eil wo'ninafe andi nen At ebe fogerasuogo.

EZRA 1:5

Wene a'nogo wulafikhemo, it afuni inunggulenu Yehuda mene, Benyamin mene, inogogwi kaindek inom, ap imam omanogo inom, ap Lewi mene omanogo inom, nen it afuni ekhe inebe lombok Allah nen inendawimo kagalhikhe mene omanogo mondogat Allah awi o Yerusalem a'nogo wusi wesuogeluk inasunggwe tegelogo fesukwa.

2 KORINTUS 8:16

Niren hit faget ninghogo hilingisuogeluk hilingiti lago hak, at Titus a'nogoat hilingiti logouwageluk Allah nen endawimo kagalhunem hilingiri'logo andi nen he, Allah hai wati logouwogo.

EZRA 1:1

Afuni o Persia mene inoe raja enu Kores andi menlagaikhesik oba, tahun attak welagaikhe andiba, At Tuhan nen wene ap at ane yagaisikhi lagaikhe agun Yeremia a'nogo yagatikhemo isikhe mene ebe asuageluk, ap Kores andi endawimo kagalhikhe. Endawimo kagalhikhemo, aren o yi awi ti awi ferinarek welagaikhe kwe lombok, enu salik loageluk wene yi'nogo wulafikhe:

1RAJA-RAJA 17:9

”Hat hebe o kota Sarfat, o Sidon horokhogo andoma lambik logoino o. Were'ma re, An nen, he sogwe mene nen sumburu wokheti logouwagaluk arat yagatimo werego,” iluk yagatikhe.

1 SAMUEL 10:26

A'nogo lakfisasikhemo lagu kwelek, at Saul ogore, aiba o Gibea laga logolik, ap inebe fenakwe inobabut mondok hibilik-hebelek mene nek Tuhan nen inendawimo hilingfesikhemo inom lagaukwa.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

MATIUS 21:2

Lakfisikhi logolik he, ”O sili hinelokhoma a'li lani o. Arat lagep halok, oan kwikhi logolik hineilenggen yethogoin he, wam keledai eak emberek kombi kelik were'ma hineilenggen hogoin a'naga o. Nen, arat hineilenggen hegep halok he, kombi kelik andi fikhalogo re, noba waluk we'no.

MATIUS 21:4

A'nogo lakfisasikhe andi re, at ap Allah ane yagaisikhi lagaikhe mene ekhe nen he: