MATIUS 21:1 - Allah Wene Fano Wene Hupla Inane

¹ At Yesus afuni inom lagaukwa mene omanogo inom kota Yerusalem kuogeluk horokhogo asi lagasukwasik he, punu Zaitun a'ma o sili Betfage higit asi lagasukwasik he, Yesus nen it at ane wanhi lagaukwa mene omanogo ekhe inebe pire attagat lakfisasikhe.

MATIUS 21:1 Referans Kwoze

ZAKHARIA 14:4

Inenggi andi sambul At ebe punu Zaitun oba o Yerusalem en mo ero fikhit andoma mendek logogin. Ma re, punu Zaitun andi tonggo elonggo mondogat wogolek mene re tulem kagalasumo mo ero fikhiren pikhit mo erembul fikhit andomaba hilingik logogin. Punu andiba nen minggilogo re abel utara fikhit higil-higil lagik, nen, minggilogo fena re abel selatan fikhit lagik ikhi logogin.

YOHANES 8:1

It afuni omanogo lagu kwelek he, at Yesus punu Zaitun oba lagasikhe.

LUKAS 21:37

Wene a'nogo yagaisasikhesik he, hobuk, at Yesus o wei ugunem Allah awi wuri'mo, wene yagaisigik, o hubagunem tom Zaitun punuba samban i lagagik, ikhi lagaikhe.

MATIUS 26:30

Wene a'nogo yagaisasikhesik he, wuni Allah awuni ekhe wa'luk wulifukwasik he, punu Zaitun oba lagasukwa.

MATIUS 24:3

A'nogo yagaisasikhesik he, punu Zaitun oba lagasikhesik hurek were'ma, at ane wanhi lagaukwa mene omanogo oba wagaukwasik inalegenek logolik he, mel yagatukwa: ”Haren yaganisegen a'nogo re, mera nen hilinglasigin. Hat hebe wagik, o wurep oba hilinglagik, igeluk ugu kwelek he, ki mene tak hilinglagunem nit ninendawinggen wenggelasigin. Wene furogo yaganisan o,” iluk yagatukwama,

KISAH PARA RASUL 1:12

A'nogo yagaisasukwama, punu Zaitun oba andoma nen pi wagaukwasik he, o kota Yerusalem yatmaat lek, we, horogat satu kilometer hangge kwi wagaukwa.

LUKAS 22:39

A'nogo yagaisaluk inom wulifukwasik he, o kota a'nogo hebisaluk he, at Yesus Zaitun punuba lagakhi lagaikhe a'nogo hagat lagagunem agoromi ane wanhi lagaukwa mene omanogo ombo'ne lagasukwa.

MARKUS 14:26

wuni Allah awuni ekhe wa'luk wulifukwasik he, Zaitun punuba lagasukwa.

MATIUS 20:34

A'nogo yagatukwama re, at Yesus nen endawirinafikhesik he, enggi ineilenggen oba fagisasikhemo re, aremnogoat fano agaukwasik, Yesus ombo'ne lagaukwa.

MATIUS 21:2

Lakfisikhi logolik he, ”O sili hinelokhoma a'li lani o. Arat lagep halok, oan kwikhi logolik hineilenggen yethogoin he, wam keledai eak emberek kombi kelik were'ma hineilenggen hogoin a'naga o. Nen, arat hineilenggen hegep halok he, kombi kelik andi fikhalogo re, noba waluk we'no.

MARKUS 13:3

Wene a'nogo yagaisikhi lagaikhesik he, at Yesus Allah awi wurik i aik elikwe wulifukwasik, punu Zaitun oba lagasukwasik inebe andoma hu'lagaukwa. Hu'lagaukwasik he, Petrus inom, Yohanes inom, Yakobus inom, Andreas inom, Yesus inom inalegat logolik, at Yesus oba wene ekhe heinok wanhukwa.