MATIUS 2:8 - Allah Wene Fano Wene Hupla Inane

⁸ Wanhikhemo iren he, ”Yi'nogo,” iluk yagatukwama re, aren he, ”Halok he, hit o Betlehem andoma lani o. Lambik he, omalik ta'lagasik werek andi fanorogo hera'no. Nen, arat heratep halok he, hobuk an nendawinggen at oba himbiret fuluk fogerasi lagen yaganesi we'no,” iluk yagaisasikhe.

MATIUS 2:8 Referans Kwoze

RATAPAN 3:37

Tuhan endawimo andi mene asuak anggigi'lek kwelek, eberogo nen andi mene faget afuni nen yi'nogo ti'nogo iluk hilingisumo re elok nogo?

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

1RAJA-RAJA 19:2

A'nogo yagatikhemo esanggo holhikhesik he, ap ekhe ayonggo fesikhesik, ”Haren he Izebel en mel ikhe iluk Elia yagasi lano: Haren ap tugwi kembu Baal ane yagaisagarek mene inoaten andi hak, ohealek o mo ya higit obaat an nen hat hebe hoasigin lek halok he, an neisen allah oba himbirik welagirek mene nen wene noba fembik nebe mondok noasuagaro, iluk yagasi lano o,” iluk isikhemo yagasi lagaikhe.

2 SAMUEL 17:14

A'nogo yagatikhe andi, Tuhan endawimo nen he, ”Absalom mondok weak asuagen he, Ahitofel en wene ebe asigin ikhe mene andi Husai nen sebeluak,” iluk anggasikhebaat yagatikhemo, at Absalom ebe inom agoromi Israel mene mondogat inomen he, mel isukwa: ”Wene Ahitofel en ikhe andi weak ikhe meneat he, Husai nen ikhe andi nek he, fano mondok ikhe o,” iluk isukwa.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

MATIUS 2:7

Isukwama re, at Herodes a'nogo nen he, it ap hesagal futfikhi lagaukwa mene ineilenggen nen waluk wagaukwa mene omanogo hinagaisogo woginarek lagaikhesik, mel yagaisasikhe: ”Hesagal andi mera nen weinam aga? Furogo yagane'ni,” iluk heinok inoba hobuk wanhikhe.

MATIUS 2:9

Yagaisasikhemo re, inesanggo holhukwasik, hesagal o mo eroma nen yegelogo lagai wagarek oba andoma weinam agaikhemo ineilenggen hasukwa mene a'nogo attak lagu kwelek he, ombo'ne ineilenggen nen waluk lagaukwa. Ineilenggen nen waluk lagaukwa-lagaukwa re, hesagal a'nogo omalik ta'lagaikheba higithogo asi lagaikhesik he, arat kamo isikhe.