MATIUS 10:4 - Allah Wene Fano Wene Hupla Inane

⁴ Simon ”O Kanaan yoma ninawi werek mene nek logouwogo,” iluk ikhi lagaikhe mene a'nogo inom, Yudas Iskariot Yesus wasuageluk yonggo lagaikhe mene a'nogo inom, inenu andem menfisasikhe.

MATIUS 10:4 Referans Kwoze

MATIUS 26:14

At Yesus nen wene a'nogo yagaisasikhemo re, at agoromi ane wanhi lagaukwa mene inebe 12 omanogo mene, ekhe enu Yudas Iskariot a'nogo, it ap Allah eisewerek mene inogogwi kaindek omanogo inoba lagaikhesik he, aren ikhi logolik,

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 6:71

Wene a'nogo isikhe andi re, ap Simon Iskariot amlogo enu Yudas faget isikhe. At ap andi ebe Yesus agoromi inebe 12 nen omanogo meneat he, hobuk Yesus ebe wasuageluk yonggo lagain mene andi faget isikhe andi.

MARKUS 14:43

”A'nogo ugu kwelek aremnogoat he, it ap Allah eisewerek mene inogogwi kaindek omanogo inom, Allah ane lisu palek eisewerek mene omanogo inom, inaluendek omanogo inom, inomenat, ap esa ekhe hokhorogo lakfisa wagaukwama, karok inom, yei payuk inom, waluk Yesus agoromi inebe 12 nen omanogo mene ekhe enu Yudas a'nogo nen woginarek wagaikhe.

MATIUS 26:47

Yesus nen, ”Horogat waga ari,” iluk ugu kwelek aremnogoat he, at Yudas, ebe Yesus agoromi inebe 12 omanogo mene yonggo lagaikhemo, it ap Allah eisewerek mene inogogwi kaindek omanogo inom, inaluendek omanogo inomen, it ap inebe esa hokhorogo inayonggo fesukwasik lakfisa wagaukwama, karok inom, yei inom, waluk inebe mondok esa fologo wagaukwa.

LUKAS 22:47

At Yesus nen a'nogo ugu kwelek aremnogoat, at agoromi inebe 12 omanogo mene ekhe enu Yudas a'nogo, yonggo lagaikhesigen ap hokhorogoat woginarek wagaikhesik he, at tak Yesus hai ambe saluk wasigeluk, oba wagaikhe.

LUKAS 22:3

A'nogo weim abok ugu kwelek he, it Yesus agoromi inebe 12 omanogo mene, ekhe enu Yudas Iskariot a'nogo endawimo Iblis kwisikhe.

MARKUS 14:10

At Yesus wene a'nogo yagaisasikhemo nen he, at agoromi inebe 12 omanogo mene ekhe at Yudas Iskariot a'nogo, Yesus wasuageluk yonggo it ap Allah eisewerek inogogwi kaindek omanogo inoba lagaikhe.

MATIUS 27:3

Yesus a'nogo wene oba fesukwasik eberogoat wasuogeluk ugu kwelek he, at Yudas nen wasuageluk yonggo lagaikhe mene a'nogo eilenggen isaluk he, endawimo nen he, ”An weak hilingiti o,” iluk endawimo weak agaikhe. Endawimo weak agaikhesik he, onggo uang perak mene 30 nen wogetukwa a'nogo hobuk oak waluk he, it ap Allah eisewerek mene inogogwi kaindek mene omanogo inom, inaluendek omanogo inom, were'ma wagaikhesik wogisikhi logolik, mel yagaisasikhe:

KISAH PARA RASUL 1:13

Kwi wagaukwasik, oloba andoma kwisukwasik he, o henambo welagaukwaba andomaat lagasukwasik welagaukwa. It andi inebe re, Petrus inom, Yohanes inom, Yakobus inom, Andreas inom, Pilipus Tomas emberek inom, Bartolomeus Matius emberek inom, Alfeus amlogo Yakobus andi inom, Simon, ”O yoma ninawiwerek mene nek logogun,” iluk ikhi lagaikhe mene andi inom, Yakobus amlogo Yudas andi inom, inom welagaukwa.

MATIUS 26:2

”Ninenggi pire logombigen seni Paskah hilingisugun andi hit hineluaro. A'nogo hilingitu kwelek, an abat ta'lasi wagagi a'nogo, aben yonggo lambik, it ekhe nen eba mennobagambik noasuageluk inenggiba nobagagun o,” iluk yagaisasikhe.

MATIUS 26:15

”An nen Yesus andi wokhisigi halok he, hiren onggo nena mene wo'nesugun anggegep,” iluk yagaisasikhemo, it ap omanogo nen he, ”Onggo uang perak mene 30 nen wokhesugun o,” iluk yagatukwasik he, wogetukwa.

YOHANES 6:64

Wene andiba inelugerinaferek meneat he, hit fena yoma eberogoat iluk hinendawinggen an noba himbiret figi'lek mene inom, at ekhe nen Yesus ebe wasuageluk yonggo lagain mene inom, it andi a'nogo hilingisugun, iluk at omanggum elu welagaikhesi'mo andi nen he, wene a'nogo yagaisasikhe andi.