MATIUS 10:1 - Allah Wene Fano Wene Hupla Inane

¹ Inenggi ekhe sambul he, at Yesus nen agoromi ane wanhi lagaukwa mene inebe 12 nen omanogo andogosi wesuageluk wolisasikhemo wagaukwama re, iren afuni ekhe munggwarengge inobabut weak mene inendawimo kwisukwasik were'ma henegeisogo wulakfisigik, yi ou ti ou inoba werek mene higirinafik, inomame lek maben mene inomamerinafik, ilik loageluk omame wogisasikhe.

MATIUS 10:1 Referans Kwoze

LUKAS 10:19

Halok he, Yethani! Kisu inom, ililim inom, hineisogen alperelogo hebisigik, Iblis ninom weim palek mene a'nogo omame legetfisigik, hilingiti logobagaigeluk, an nomame wokhisigirik eisewerek hilinghinafi o. Eisewerek hilinghinafiri'mo, yi mene ti mene ekhe nen weagethinabigin mondok lego.

LUKAS 24:49

Nen, an neisena nen hit wokhisagain, iluk abok yagahisasikhe a'nogo, ogo. An nenat hinoba pelakhisa wesigin o. Mene re, Allah omame pogoroba nen hinoba oan louk i wagi'lek werek kwelek ya re, hinebe o sili yomaat logoino o,” iluk wene warisasikhe.

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

YOHANES 3:27

A'nogo yagatukwama aren he, mel yagaisasikhe: ”Ap yi sani. Nagoromi. Ap ekhe Allah nen yagati'le'ma, at onggwarek endawimo nen kagalogo higit hilingisu elo'lego.

LUKAS 6:13

O wei isikhemo re, at agoromi ane wanhi lagaukwa mene omanogo wolisasikhemo wagaukwama re, it mene inebe 12 nen wenagaisogo fisasikhesik he, ”Hinebe lakhinobagagin,” iluk menfisasikhe.

KISAH PARA RASUL 19:15

Walhugunem, at munggwarengge obabut weak mene nen he, ”Yesus andi ebe, an nelu. Nen, Paulus andi ebe, abok holhirek meneat. Mene re, hit yi sani he. An nonggoro,” iluk yagaisasikhesigen,

YOHANES 6:70

Aren he, mel yagaisasikhe: ”An nen hit hinebe 12 nen yi wenakhinafigi lek nogo? An nenat wenakhinafigi o. Meneat he, hat misigat ekhe Iblis meneat welagen o,” iluk yagaisasikhe.

YOHANES 3:35

At eisena nen amlogo ebe endawinggen hundik logolik, yi mene ti mene mondogat at eisewerek logouwageluk wogetikhe.

WAHYU 12:1

A'nogo higiri'mo nen, ombo'ne yethigi hak he, afuni nen futfouwageluk pogoroba elalinat hilingisu lek mene hokhorogo hilingitunem yi'nogo yethigi. He mene ekhe tugi ebeba mendek logolik, asu higit he mo mene laberek welaga, nen hesagal ebe 12 nen menere unggul oba kware-kware higit ugu mene yethigi.

MATIUS 26:47

Yesus nen, ”Horogat waga ari,” iluk ugu kwelek aremnogoat he, at Yudas, ebe Yesus agoromi inebe 12 omanogo mene yonggo lagaikhemo, it ap Allah eisewerek mene inogogwi kaindek omanogo inom, inaluendek omanogo inomen, it ap inebe esa hokhorogo inayonggo fesukwasik lakfisa wagaukwama, karok inom, yei inom, waluk inebe mondok esa fologo wagaukwa.

MATIUS 26:20

O arat hubagaikhemo re, at Yesus agoromi ane wanhi lagaukwa mene ekhe inom lagaukwasik he, inebe 12 omanogo hu'lagaukwa,

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 9:35

At Yesus o sili hokho kwe endep kwe, ya kwigik ta kwigik, nikhi logolik, o samban agarekwe kwilik laga logolik fano wene nineisena Allah nen awe a'ma inobagagin wene a'nogo yagaisigik, yi ou ti ou inoba werek mene inom, inomame lek maben mene inom, fano higirinafik ilik nikhi lagaikhe.

MATIUS 9:38

Andi nen he, Ap eabu eisewerek mene a'naga nen afuni enggen palugun mene ekhe lakfisoagen, At ayonggo fikhi logoino,” iluk yagaisasikhe.