MATIUS 1:2 - Allah Wene Fano Wene Hupla Inane

² At Abraham en Ishak tatik, Ishak en Yakub tatik, Yakub en Yehuda agoromi inom taginafik,

MATIUS 1:2 Referans Kwoze

KISAH PARA RASUL 7:8

A'nogo yagatikhesik he, An wene warogo wokhinafi andi, enegat logouwageluk inagap inenggalimo mene palinafi logoino o, iluk yagatikhe. A'nogo yagatikhemo, Abraham en amlogo Ishak takhasikhesik he, enggi 7 hari welagaikhesik, enggi ekheba agap enggalimo mene a'nogo palhikhe. Nen, hobuk Ishak en amlogo Yakub takhasikhesik, a'nogoat agap enggalimo mene palhikheat. Nen, Yakub en he, it nit ninombalak inebe 12 nen omanogo taginafikhesik he, a'nogoat inagap inenggalimo mene palinafikheat.

KEJADIAN 25:26

Nen, at ombo'ne mene tatunemen he, attak mene eisok onggut enggi ninghogo senegengge ta'lagaikhe. A'nogo ta'lagaikhe andi nen enu Yakub salhukwa. At Ishak ebe umur 60 tahun oba omalik hulipmio mene andem ta'lagaukwa andi.

WAHYU 7:5

It inelhaba silo inobagaga andi inebe re, it afuni inunggulenu Yehuda mene re, 12.000 nen, it afuni inunggulenu Ruben mene re, 12.000 nen, it afuni inunggulenu Gad mene re, 12.000 nen, it afuni inunggulenu Asyer mene re, 12.000 nen, it afuni inunggulenu Naftali mene re, 12.000 nen, it afuni inunggulenu Manasye mene re, 12.000 nen, it afuni inunggulenu Simeon mene re, 12.000 nen, it afuni inunggulenu Lewi mene re, 12.000 nen, it afuni inunggulenu Isakhar mene re, 12.000 nen, it afuni inunggulenu Zebulon mene re, 12.000 nen, it afuni inunggulenu Yusuf mene re, 12.000 nen, it afuni inunggulenu Benyamin mene re, 12.000 nen, Allah asilo inebe lombok a'nogo inelhaba fisagasik he, ”Huli arigithigit warogo fisogoma werego,” iluk ugunem holhi o.

IBRANI 11:11

Nen, at Abraham ebe yaman agaikhesik agwe Sara abili welagaikhe meneat he, at Abraham endawimo nen he, ”Allah nen abok yaganisasikhe a'nogo eberogoat wo'nisagain aro,” iluk endawinggen Allah oba eberogo nen himbiret fuluk welagaikhe andiba, amlogo he Sara eak takhagain elok agaikhemo, takhasikhe.

YESAYA 51:2

Hinambu-hinomba Abraham inom Sara inom hit takhinafa mene aremnogo inoba ebethani o, An nen Abraham ayonggo fesigiba andem he at omalik ekhe welagaikhe lek anggigi, ariginik welagaikhemo re An nen at fanot fesigisik at ambisangma mene hokho-pokhorogo hilingisogo fisasigi.

YESAYA 41:8

Oba nen, Hat Israel he An namingmingengge mene o, nagainafuri An nen wenagaisogo fakhasigi mene, hat hebe re An nagailak, Abraham ambisangma mene welagen.

1 TAWARIKH 1:34

Ishak hun Abraham amlogo a'nogo re amlogomi inebe pire inenu re Esau inom Yakub (enu ekhe Israel iluk agarek) mene a'nogo inom taginafikhe.

1 TAWARIKH 1:28

Abraham amlogomi inebe pire taginafikhe, inenu re Ishak inom Ismael inom.

KEJADIAN 25:19

At Abraham amlogo Ishak en hilingiti lagaikhe re, yi'nogo:

MATIUS 1:1

At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.

MATIUS 1:3

Yehuda nen he, he Tamar wanhikhesik he, ap Peres inom, Zerah inom, emberek taginafik, Peres nen Hezron tatik, Hezron en Ram tatik,