MATIUS 1:10 - Allah Wene Fano Wene Hupla Inane

¹⁰ Hizkia nen Manasye tatik, Manasye nen Amon tatik, Amon en Yosia tatik,

MATIUS 1:10 Referans Kwoze

2 TAWARIKH 32:33

At Hizkia ebe wa'lagaikhe mo re it raja-raja salinafi lagaukwaba nen kweang yegek-yege'ma aremnogo salhukwa. Nen, at ebe wa'lagaikhe mo andi re it afuni Yehuda mene inom, Yerusalem mene inom, mondogaren he at ebe along anggaluk legeisogo fikhi logolik salhukwa. At obali'mo re amlogo Manasye a'nogo raja lagasikhe.

2 RAJA-RAJA 20:21

At Hizkia ebe wa'lagaikhemo re at amlogo Manasye obali'mo raja menlagaikhe.

1RAJA-RAJA 13:2

Mendek were'ma re, Tuhan ane melalek oba nabi a'nogo nen mezbah a'nogoba ikhi logolik he, ”Hat mezbah yi, hat mezbah yi! Tuhan nen yi'nogo ikhe, at Daud eisok erokwe mene inanggele'ma nen omalik ekhe enu Yosia andi ta'lasigin o. Ta'lasumo aren he, hat mezbah hamboloba it ap imam-imam iren inanggembu dewa omanogo inobaget hilingitarek mene andoma inom, nen iren wam yi mene ti mene hat hamboloba noli'lagwi mene inom, andoma re mondogat inoasigin o. Nen, arenat hat amboloba arem it afuni inoak nolinabigin aro, ikhe,” iluk yagaisasikhe.

MATIUS 1:9

Uzia nen Yotam tatik, Yotam en Ahas tatik, Ahas nen Hizkia tatik,

MATIUS 1:11

Yosia nen ap Yahudi mene o Babel woginarek lagaukwa andem higit, at Yekhonya agaila'lak inom taginabik, a'nogo taginabik wagaukwa.