LUKAS 8:50 - Allah Wene Fano Wene Hupla Inane

⁵⁰ A'nogo yagatikhemo re, at Yesus esanggo holhikhesik he, kain a'nogo mel yagatikhe: ”Hendawimo menenei ebetun o. Hendawinggen noba himbiret fegen halok he, ha'logo andi fano asigin o,” iluk yagatikhesik he,

LUKAS 8:50 Referans Kwoze

YOHANES 11:40

at Yesus nen he, mel yagatikhe: ”An nen wene yagaheti logolik, hendawinggen an noba eberogo himbiret fegen halok he, Allah fogeratarek mene a'nogo nen ekhe hilingitunem heilenggen hagain aro, iluk arat yagaheti lek nogo? Yagaheti aro,” iluk yagatikhemo,

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

MARKUS 5:36

Yagatukwama re, at Yesus nen, it inane esanggo holhikhesigat he, inane sagalogo herakfisaluk kain a'nogo mel yagatikhe: ”Hendawimo menenei ebetun o. Hendawinggen an noba himbiret fembik nemberek louwogo,” iluk yagatikhesik he, lagaukwa.

LUKAS 8:48

A'nogo yagatikhemo, at Yesus nen he, mel yagatikhe: ”Na'logo e! Hendawinggen eberogoat noba himbiret fegen andi nen fano agen o. Halok he, hendawimo fanorogo lan o,” iluk lakfesikhe.

ROMA 4:17

Wene andi faget Allah nen Abraham mel yagatikhe: ”Yi afuni ti afuni inunggulenu hokhorogoat ineisena re, hat menhobagagi o,” iluk yagatikhemo lisu palogo fesukwa. A'nogo yagatikhemo re, at Abraham endawimo nen he, ”At Allah re, afuni warek mene inelugerinafik, nen, yi mene ti mene lek mene aneba weregetfigik, ikherek mene nen abok yaganete andi eberogoat yaganete o,” iluk endawinggen oba himbiret fesikhe andi.

MARKUS 9:23

A'nogo yagatikhemo re, at Yesus nen he, mel yagatikhe: ”Haren he, elok hilingisigin halok he, hilingisin, iluk yaganeten andi nenahalok. Afuni inendawinggen Allah oba eberogo himbiret fuluk yi mene ti mene elok hilingisigin enego,” iluk yagatikhemo,

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

ROMA 4:20

Abraham endawinggen Allah oba a'nogo himbirik mondok logolik, ”Allah nen abok yaganetikhe a'nogo, eberogoat hilinglasigin a? Legasigin a,” iluk menenei ebeti'lek welagaikhe. A'nogo endawinggen Allahba himbiret fuluk welagaikhe andiba omamet fugunem Allah fogerati lagaikhe.

LUKAS 8:51

Yairus aiba lagaukwa. Lagaukwasik he, afuni fena olulu logouwageluk yagaisasikhesik he, Petrus inom, Yohanes inom, Yakobus inom, helenggerek a'nogo eisena agaisa inom, inebe andem enek woginarek oloba kwisikhe.