Ap Krispus, o afuni Yahudi mene samban ikhi lagaukwaba andi kain eisewerek welagaikhe mene ebe inom, againafuri inom, ”Wene andi eberogoat,” iluk inendawinggen Tuhan Yesus oba himbiret fesukwa. Himbiret fesukwama re, it afuni o kota Korintus mene ekhe inebe hokhorogoat wene holhukwasik he, ”Eberogoat,” iluk wanhi lagaukwama re, inom ima pelaginafukwa.
LUKAS 8:41 - Allah Wene Fano Wene Hupla Inane41-42 A'nogo wanhukwama, ap ekhe enu Yairus, o afuni Yahudi mene samban agarek oba inoe kain mene, a'logo misigat tago mene ebe ta'lagaikhesik oba nen, mo lagagik pigik ugu kwelek umur 12 tahun hilinglagaikhe hak, ou en horogat wa'lasigiluk ikhi lagaikhemo, Yesus oba wagaikhesik awe a'ma eindep awi yagaisogo hai wati logolik he, mel yagatikhe: ”Noe. An naiba louwogo,” iluk, ane elagaik ane yagatikhe. A'nogo yagatikhemo, Yesus at emberek louwogeluk lagunem he, afuni mondok hokhorogo ombo'ne yagarek-fagarek lagaukwa. Gade chapit la |
LUKAS 8:41
15 Referans Kwoze
Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,
A'nogo hilingitikhemo re, ap ekhe samban agarek oba andoma inoe kain welagaikhe mene andi nen mel isikhe: ”Yesus andi ninenggi sabit oba Allah faget weat werek kwelek, he andi ou higite andi nenahalok,” iluk a'mage nen he, afuni hokhorogo omanogo yagaisikhi logolik he, mel yagaisasikhe: ”Yi hilingitik, ti hilingitik, ikhi logogin andi re, inenggi falfalik andi obaat hilingiti logogun o. Halok he, hinenggi andibaat ou hinoba mene higithinabuageluk waga logoino. Mene re, inenggi sabit oba Allah faget weat logolik wesugun lego,” iluk a'nogo yagaisasikhemo,
A'nogo yagatu kwelek aremnogoat he, o afuni Yahudi mene samban agarek oba inoe kain a'nogo aiba nen agot ekhe yonggo wagaikhesik he, mel yagatikhe: ”Noe. Ha'logo a'nogo arat wa'lagama nen wagi o. Halok he, ninoe kain wene yaganisikherek mene ari, tulemat hemberek louwogeluk oba weagasigin lego,” iluk yagatikhe.
A'nogo enggimo wanhunem he, it Allah nen elalinafikhemo ineluk welagaikharek mene ekhe inebe 4 en omanogo inom, ap inaluendek inebe 24 en omanogo inom, Domba Eak a'nogo awe a'ma kuluk ineindep awi yagaisogo fogerati lagaikha. A'nogo fogerati logolik, it ap inaluendek omanogo inebe lombok gitar hangge mene inom, kemenyan amusu iwak emas mene hilingik meneba hinago mene inom, inenggimo fisogo logolik endawi wati lagaikha. Kemenyan andi ebe re, Allah againafuri samban agarek andi aro.
Wulakfisugunem, it afuni ekhe mondogaren he, ap enu Sostenes, o afuni Yahudi mene samban agarek oba eisewerek kain welagaikhe mene andi, ebe fakfesukwasik he, o wene inoba figik, kotik, ikhi lagaukwaba andoma ebe yei watukwa. A'nogo watu kwelegat he, at Galio a'nogo nen elele wanhi'lek obakhe nene kamo isikhe.
A'nogo fei lagasukwasik werek kwelek, o Yope andoma nen, o Lida andi horogatma re, it afuni ekhe nen, ”Petrus ebe o Lida wagasik werego,” iluk ugunem, it afuni Yesus ane wanhukwa mene omanogo inesanggo holhukwasik he, it ap inebe pire Petrus ayonggo loageluk, mel yagaisasukwa: ”Hit lambik he, Petrus mel yaga'no: Halele abirogo welagi'lek ninom weak-weak louwogo, iluk yaga'no,” iluk liakfisa wagaukwama lagai wagaukwasik, yagatukwama, at Petrus nen he,
Piblisite