LUKAS 8:33 - Allah Wene Fano Wene Hupla Inane

³³ it munggwarengge inobabut weak mene omanogo, ap a'nogo endawimo nen henegeisogo wulibi lagaukwasik, wam omanogo endawimo kwalasi lagaukwama re, mondogat i kat oba nen pururumhogo, i hokho yenggele'ma pisukwasik i lagaukwa.

LUKAS 8:33 Referans Kwoze

WAHYU 9:11

Nen, it andi inoe kain enupogot ferinarek welagarek mene malaikat kweang a'ma welagarek mene a'nogo, at enu re, nit ninaneba, weagerinaferek u hak, it afuni Ibrani mene inaneba re, enu Abadon igik, nen, it afuni Yunani mene inaneba re, Apolion igik, agarek mene a'nogo yethigi.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

MATIUS 8:32

A'nogo yagatukwama re, at Yesus nen he, ”Halok he, lani o,” iluk yagaisasikhe. Yagaisasikhemo, it munggwarengge inobabut weak mene ap aremnogo inendawimo nen henegeisogo wulibi lagaukwasik he, wam hokhorogo inamisang wanhi lagaukwa omanogo inendawimo kwalasi lagaukwama, wam omanogo mondok felelenghogo i kat oba nen lurogo i yenggele'ma kwisukwasik i mondok lagaukwa.

LUKAS 5:1

Inenggi ekhe sambul he, at Yesus i Genesaret yenggele'ma andoma mendek were'ma, afuni mondok hokhorogo Allah ane inesanggo holuogeluk oba andogosi lagaukwa.

LUKAS 8:32

Andi sambul, o andoma tom ebene wam mondok hokhorogoat inambisang wilik nugunemen he, it munggwarengge inobabut weak mene omanogo nen Yesus mel yagatukwa: ”Wam a'lima inendawimo kwalasi louwogen he, lakninobagain o,” iluk, inane liokhogo yagatukwa. A'nogo yagatukwama, at Yesus nen he, ”I o. Lani,” iluk, yagaisasikhemo re,

LUKAS 8:34

A'nogo hilinglagaikhemo, it ap wam kwalogo welagaukwa mene ineilenggen hasukwasik he, fungusek yonggo lagaukwasik, wene hilinglagaikhe mene a'nogo afuni o sili hokhoma yagaisigik, endepma yagaisigik, yagaisasukwa.