LUKAS 8:31 - Allah Wene Fano Wene Hupla Inane

³¹ A'nogo isikhesik he, it munggwarengge inobabut weak mene omanogo henegeisogo pile uanma ma'lima pelakninobagai nogoluk inane liokhogo Yesus yagatukwa.

LUKAS 8:31 Referans Kwoze

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

WAHYU 17:8

Mene olomene hangge hegen andi attak welagaikhe meneat he, yogondak elokhe lek hegen andi re, kweang a'ma nen lagai wesigin o. Lagai waga halok, Allah nen alomat fagain o. Nen, Allah nen kweang pogot oan elalhi'lek logolik, suesingga it afuni ineluk mondok logouwageluk fanorinabigin mene halok inenu lisu palek andiba, it ekhe inenu lisu palek lek mene nen, mene olomene hangge andi ineilenggen hasukwasik, iren he, mene olomene hangge yi, attak welagaikhesigen, elokhe lek agaikhe meneat he, hobuk weinam aga yi, nailo e, iluk fogerasugun o.

WAHYU 11:7

Wene a'nogo arat yagaisaga halok, mene olomene hangge hokho mene ekhe kweang a'ma nen inoba lagai wesimbik, inom weim yafi logolik, mabenet fisambik inebe inoasigin o.

WAHYU 9:11

Nen, it andi inoe kain enupogot ferinarek welagarek mene malaikat kweang a'ma welagarek mene a'nogo, at enu re, nit ninaneba, weagerinaferek u hak, it afuni Ibrani mene inaneba re, enu Abadon igik, nen, it afuni Yunani mene inaneba re, Apolion igik, agarek mene a'nogo yethigi.

AYUB 2:5

Halok he, haren at ebe oba yi enggin ti enggin foumo nek he, aren, Allah weak. Ebe an nabit, iluk eberogoat kofologo hobagagin werego,” iluk yagatikhe.

AYUB 1:11

Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.

LUKAS 8:32

Andi sambul, o andoma tom ebene wam mondok hokhorogoat inambisang wilik nugunemen he, it munggwarengge inobabut weak mene omanogo nen Yesus mel yagatukwa: ”Wam a'lima inendawimo kwalasi louwogen he, lakninobagain o,” iluk, inane liokhogo yagatukwa. A'nogo yagatukwama, at Yesus nen he, ”I o. Lani,” iluk, yagaisasikhemo re,

ROMA 10:7

Nen: ”Kweang a'ma sa pigin, iluk anggagun o,” iluk isikhe andi ebe re, Kristus wa'lagaikhemo niren eluget fembik waluk lagai wesuageluk ugun lek andi faget isikhe andi.