LUKAS 7:6 - Allah Wene Fano Wene Hupla Inane

⁶ Yesus ebe inom lagaukwa. Aiba lagaukwasik he, kuogeluk horokhogo asi lagaukwa hak he, ap tentara mene inoe kain a'nogo nen agoromi ekhe wene Yesus yagasi loageluk lakfisa wagaikhe. Lakfisa wagaikhemo, it omanogo nek Yesus oba wagaukwasik he, mel yagatukwa: ”Noe. Nit ninoe nen he, at eisok alemarogo wesinogo. An inawe a'ma meneatma, at an naiba kwi wesigin elo'legaro.

LUKAS 7:6 Referans Kwoze

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.

MARKUS 5:24

A'nogo yagatikhemo emberek lagaukwa. Lagunem he, afuni mondok hokhorogo Yesus ombo'ne laga logolik peterogo agap oba te'merogo lagaukwa.

LUKAS 8:49

A'nogo yagatu kwelek aremnogoat he, o afuni Yahudi mene samban agarek oba inoe kain a'nogo aiba nen agot ekhe yonggo wagaikhesik he, mel yagatikhe: ”Noe. Ha'logo a'nogo arat wa'lagama nen wagi o. Halok he, ninoe kain wene yaganisikherek mene ari, tulemat hemberek louwogeluk oba weagasigin lego,” iluk yagatikhe.

YAKOBUS 4:10

Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

LUKAS 7:4

A'nogo isikhemo, it omanogo Yesus oba wagaukwasik he inane ninghogoat yagatukwa: ”At ap tentara mene inoe kain andi afuni nit mene endawit ninafik, aren o nit samban ogorek oba wutnisigik, hilingiterek andi nen he, at amingmingengge mene andi ou higisi lagain o,” iluk a'nogo yagatukwama re,

KEJADIAN 32:10

Haren an yi'nogo hilingnabigin mondok elo'lek mene, nebe hendawi nen yi'nogo hilingnafu mondok welagen andi, neisena i Yordan aik eliba nen yi mene ti mene wanhi'lek, we, sige tomuk enek waluk wagagi meneat he, yogondak nambotkwe lageluk, esa pire logalogo woginarek laga lagi yi, neisena.

LUKAS 7:7

Nen an nen, at oba lagain iluk anggigi mene ogore elo'legat. We, at ane nek healumo nen he, an namingmingengge mene yi fano asigin o.