LUKAS 7:50 - Allah Wene Fano Wene Hupla Inane

⁵⁰ Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

LUKAS 7:50 Referans Kwoze

MARKUS 5:34

Yagatikhemo, at Yesus nen he, mel yagatikhe: ”Na'logo e. Hendawinggen noba eberogoat himbiret fegen andi nen fano agen o. Halok he, hendawimo fanorogo lan o,” iluk lakfesikhe.

LUKAS 8:48

A'nogo yagatikhemo, at Yesus nen he, mel yagatikhe: ”Na'logo e! Hendawinggen eberogoat noba himbiret fegen andi nen fano agen o. Halok he, hendawimo fanorogo lan o,” iluk lakfesikhe.

LUKAS 18:42

at Yesus nen he, mel yagatikhe: ”Heilenggen mum ari fano ame o. Hat hendawinggen an noba eberogo nen himbiret fegen andi nenat fano agen o,”

MATIUS 9:22

Enggi fakhasikhemo re, at Yesus nen elokhe hebekhogo eilenggen ambotma kwelakhasikhesik he, mel yagatikhe: ”Na'logo e! Hendawimo hagaiyek ame o. Hendawinggen noba himbiret fegen andi nen fano agen o,” iluk, ugu kwelek aremnogoat he, he a'nogo arat fano agaikhe.

MARKUS 10:52

at Yesus nen he, mel yagatikhe: ”Hendawinggen noba eberogoat himbiret fegen andibaat fano agen o. Halok he, lan o,” iluk yagatu kwelek aremnogoat eilenggen mum mene a'nogo fano agaikhesik he, Yesus ebekwe lagunem ombo'ne inomat lagaukwa.

HABAKUK 2:4

Ebereogo nen he, it weak hilingiri'lagwi mene andi fano asugun lek. Oba nen he, it ekhe Allah endawimo anggikherek mene andi higithogo hilingiri'lagwi mene nek he, inendawinggen Allah oba himbiret fuluk logogun andiba, ineluk mondok logogun o,” iluk yaganete.

LUKAS 8:18

wene hinesanggo holhi lagep mene andi fanorogo futfikhi logoino o. It afuni inagarek werek mene andi re, ekhe inom mangorogo wogisagain. Meneat he, it ekhe lek mene andi re, inendawimo nen he, endebat ya elok werek, anggili'lagwi mene andi telogo helagain o,” iluk yagaisasikhe.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

1 SAMUEL 1:17

A'nogo yagatikhemo, at Eli nen he, ”Allah afuni Israel mene nineisena a'nogo nen hane esanggo holhimbik haren kino yagaten mene andi wokhesuago. Andi nen he, hendawimo fanorogoat haiba lano,” iluk yagatikhe.

LUKAS 7:9

Yagatukwama, at Yesus nen he, mel isikhe: ”Ap andi nailo e,” iluk, fogeratikhesik he, elokhe hebekhogo afuni hokhorogo ombo'ne lagaukwa mene omanogo mel yagaisasikhe: ”Ap andi endawinggen an noba himbiret fikhe andi hangge, it afuni Israel mene ekhe inendawinggen a'nogo himbiret fugunem isigirek lek mene nailo e,” iluk isikhe.

LUKAS 17:19

at ap wagaikhe a'nogo oba mel yagatikhe: ”Eberogoat hilingnabigin, iluk hendawinggen noba himbiret fegen andiba arat fano agen o. Halok, hebe menla'luk haiba lan o,” iluk lakfesikhe.