LUKAS 7:39 - Allah Wene Fano Wene Hupla Inane

³⁹ A'nogo hilingitunem, ap Farisi mene nen, ”Yesus, sumburu nemberek nouwok iluk,” ayonggo fesikhe mene a'nogo endawimo nen mel anggasikhe, ”Ap yi Allah ane yagaisikherek mene logoilepma re, he yi weak hilingiterek mene nen hilingnafe iluk enegat futfeilep,” iluk endawimo anggugunem,

LUKAS 7:39 Referans Kwoze

LUKAS 7:16

A'nogo hilingitikhemo afuni hokhorogo omanogo inailo agaikhesik he, Allah fogerati logolik, mel isukwa: ”Ap kain Allah ane yaganisikhi logogin mene ekhe ninanggele'ma nen weinam aga yi o!” iluk igik, nen it ekhe nen he, ”Allah nen againafuri telninabigeluk waga o!” iluk igik, isukwa.

LUKAS 15:2

A'nogo wagaukwa mene re, it ap Farisi mene inom, it ap Allah ane lisu palek inelu mene inom, ineilenggen isaluk he, inane nguluk-habuk ikhi logolik, mel isukwa: ”Ap yi nen afuni weak hilingiri'lagwi mene woginaferesik sumburu inom misi'mo nenggarek andi, nailo e!” iluk isukwama re,

YESAYA 65:5

Iren ikhi logolik, ”Nit he hit hinoba nen ninamu tegelogo fano horek welago, nit ninagap fa'nisa fuk, hinale'ma lani o, ili'lagwi! It inobabut a'nogo hilingiri'lagwi mene andoma re An nen kumurinarek logou re mondok nabiro. Ma re An na'mage re endu nagul fou elo'lek andi hak it inoba fikhi lagi o.

YOHANES 9:24

A'nogo isukwama iren he, attagat eilenggen mumat ta'lagaikhesik welagaikhe mene a'nogo hobuk, ”Eme o,” iluk wolhasukwama wagaikhemo re, mel yagatukwa: ”Ap andi ebe weak hilingiterek mene nit ninelu andi nen he, hat honggwaregen hane eberogoat Allah enu hombuk palogo yaganisan o,” iluk yagatukwama,

YOHANES 7:12

it afuni hokhorogo omanogo inesanggo holhukwasik he, inane samik-samok ikhi logolik, it ekhe nen he, ”Athe fano,” ugunem it ekhe nen he, ”Lego. Athe weak. Afuni lalinabi'logo,” iluk isukwa.

YOHANES 4:19

A'nogo fakhogo yagati lagaikhemo, at he a'nogo nen, at mel yagatikhe: ”Eige! Noe, hat hebe re, eberogoat Allah ane yagaisegendek mene higi, iluk arat fut hobagagi o.

LUKAS 18:4

A'nogo yagasi wagunem he, ap kain a'nogo nen attak ane holhi'lek abiret fikhi lagaikhe meneat he, hobuk endawimo ebeti logolik he, an nobabut he, Allah nailo legat logolik, afuni agaukhogo nendawirinafirek lek meneat he,

LUKAS 16:3

A'nogo yagatikhemo, at amingmingengge a'nogo endawimo nen he: Noe nen, an naiba logolik nagarek fisogo logogin lek. Wulak nobagagin, ikhe andi, an ninggi'nogo hilingisigin. Wulaknobagaikhe halok, an yabu helikhi logogin he, nenggi maben. Nen, nambe kino weak yagaisilik nikhi logogin he, nenggali o.

LUKAS 7:37

Hu'lagaikhesik, sumburu ninggi logolik were'ma, he o sili andoma mene ekhe weak hilingiti lagaikhe mene abok afuni inelu mene, afuni nen, ”Yesus o a'li logolik sumburu nili'logo,” iluk isukwama esanggo holhikhesik he, amusu amben fano mene onggo hokho palogo iwak helep enu pualam mene hilingik oba elonggoma hinago waluk wagaikhe.

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.

AMSAL 23:7

Aren ikhi logolik, ”Name, imbigen he, ekhe inomat mangorogo nan abi,” igin andi re fanorogo igin he fuk, oba nen endawimo amurek logoligen ambeba nek he fanorogo igin a'naga.

2 RAJA-RAJA 5:20

at Gehasi Elisa amingmingengge a'nogo endawimo nen he, ”Ah, an noe nen, Naaman yagati logolik, onggo wo'nesigin lek, iluk herakfisikhemo laga andi nenahalok? Ap Siria mene andi nen onggo an noe wogosumo wanu re, elok meneat herakfisikhe andi ri! Nineisena Tuhan Eluk Mondok welagarek mene a'nogo oak. At Naaman nen yi mene ti mene ekhe an wo'nesuagen he, an ombo'ne humusek murok lagain,” iluk anggasikhe.

LUKAS 12:17

at ap a'nogo endawimo nen he, Awi yati mene ebe enggen hokhorogo ite andi, ebe palogo fagain oba obuluk lek yoma, ninggi'nogo hilingisigin, iluk, endawimo ebeti lagaikhe.

MATIUS 20:16

A'nogo yagatikhe andi hak he, it hobuk mene andi attak asugun o. Nen attak mene andi hobuk asugun o,” iluk yagaisasikhe.

MATIUS 21:11

it afuni hokhorogo omanogo nen he, ”Yi Yesus Allah ane yagaisikherek mene, awi o Galilea tonggwe kota Nasaret mene a'nogo waga yi o,” iluk, yagaisasukwa.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

LUKAS 7:40

at Yesus nen he, mel yagatikhe: ”Simon. An wene ekhe yagahesik,” iluk yagatikhemo aren he, ”Noe. Yaganom o,” iluk yagatikhemo,