LUKAS 7:38 - Allah Wene Fano Wene Hupla Inane

³⁸ Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

LUKAS 7:38 Referans Kwoze

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

PENGKHOTBAH 9:8

Hit hinebe hineisena Allah nen o kweangma elama faget logouwagaluk hinobagaikhemo logolik set kwil kwalhogo hilingiti logogun mene andi faget hinenggi onggo wanu hak, hinendawimo hinagaiyek hikhi logogun andi aro. Andi nen he, hinagagwi hinendawinggen hundik mene hinom fano hai warogo logoubagaik iluk wokhisasikhemore hundik-handik we elama faget logolik he hinoba heanerogo nek logoino o.

MAZMUR 51:17

Neisena Allah, an naneba fogethafi logoigen he, Haren an nambe hutfein o.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

MAZMUR 38:18

Hundik-hundik ou wanhi logolik he, an nebe warogo weinglasu hak hilingiti lagi.

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

YAKOBUS 4:9

Hinendawimo weak a'luk, li le aga logoino o. A'nogo le aga logolik he, endo aga lagep mene andi, le agik, Nen, hinendawimo hinagaiyek hikhi lagep mene andi, hinendawimo weak a'luk welagik ikhi logoino o.

LUKAS 6:21

Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

MATIUS 5:4

Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

YOEL 2:12

A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.

YESAYA 57:9

Hiren he amusu inom amben fano mene inom yugul fuluk dewa Molokh were'ma laga lagep. Nen hirenat he ap yonggo mene o sili yatma meneba lakfisigik, nen ap wa'la'luk lagaikherek oba omanogo lakfisigik ikhi lagebat.

KIDUNG AGUNG 1:3

Hat hamben he mondok fano sang-bang eri'lago, henure amusu amben fano mene kweisalogo pugunem amben eterek andi higit hilingik welagen; andiba re helime silerigen inendawinggen ninggerek!

LUKAS 22:62

Endawimo a'nogo ebetikhesik enda'ma wulifikhesik he, le mondok hokhorogo endawi fit-fit le agaikhe.

LUKAS 7:37

Hu'lagaikhesik, sumburu ninggi logolik were'ma, he o sili andoma mene ekhe weak hilingiti lagaikhe mene abok afuni inelu mene, afuni nen, ”Yesus o a'li logolik sumburu nili'logo,” iluk isukwama esanggo holhikhesik he, amusu amben fano mene onggo hokho palogo iwak helep enu pualam mene hilingik oba elonggoma hinago waluk wagaikhe.

LUKAS 7:39

A'nogo hilingitunem, ap Farisi mene nen, ”Yesus, sumburu nemberek nouwok iluk,” ayonggo fesikhe mene a'nogo endawimo nen mel anggasikhe, ”Ap yi Allah ane yagaisikherek mene logoilepma re, he yi weak hilingiterek mene nen hilingnafe iluk enegat futfeilep,” iluk endawimo anggugunem,

YOHANES 11:2

He Maria andi ebe re, amusu amben fano mene ninoe Enupogot Yesus eisok oba watikhesik esiba tetikhe mene a'nogo inom inaiba were'ma inenggi ekhe sambul he at Lazarus oba ou hunitikhemo re,