LUKAS 6:20 - Allah Wene Fano Wene Hupla Inane

²⁰ A'nogo hilingitunem, at Yesus nen agoromi ane wanhi lagaukwa mene omanogo eilenggen inoba fesikhesik he, mel yagaisasikhe: ”Hit hinelagaik mene halok, Allah awe a'ma hinobagagin andi nen he, hinendawimo hinagaiyek hikhi logoino o.

LUKAS 6:20 Referans Kwoze

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

LUKAS 12:32

”Halok he, hit Allah againafuri a'luk welagep mene hinebe endebat mene yi, nerugwi nagaila'lage! Allah nen hit at awe a'ma hinobagaigeluk endawimo anggikhesik werek andi re, hinailo agubo.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

WAHYU 2:9

Hit ebe mene faget hinebe kain hineilmo werek meneat he, it afuni Iblis againafuri meneat he, ineranenat, nit ninebe Yahudi mene, iluk ikhi logolik, hit hinenu weak hilingisogo weak hilinghinafunem, hinebe hinelagaik weak welagep andi, an neluaro.

2 KORINTUS 6:10

Ninendawinggen weak logoligat he, ninagaiyek hikhi logolik welago. Yi mene ti mene ninenggim lek meneat he, afuni hokhorogoat ebe mene ineilmo werek asuageluk hilingfisikhi lago. Ninagarek mondok lek meneat he, ebe mene mondogat eise agosik welago.

ZEFANYA 3:12

O andoma re, afuni inunggulenu ekhe inedawimo sebelfakhaluk An nen lebetninabuageluk hilingitarek mene nek he o andoma femhogo logouwageluk herakfisagain. It enek he o andoma higit logogun.

YESAYA 29:19

Ap inenggi lek mene inom, li'norinafarek mene inom he Israel mene ineisena Mondok Horek mene a'nogo nen inagaiyek hoageluk wogisikherek mene a'nogo hogoin.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

2 TESALONIKA 1:5

Allah nen afuni wene inoba figik kotik higithogoat ikherek iluk enegat asigin. Hit yogondak Allah awe a'ma kuluk ane hologo welagep andi faget, afuni nen yi enggin ti enggin hilinghinafu kwelek a'nogo welagep andi nen, aren hobuk he: ”Hit an nawe a'ma kwi wesimbik hinawiwerek mondok logoino o,” iluk, yagahisagain andi.

1 TESALONIKA 1:6

Hit yi enggin ti enggin hilinghinafu kwelegat he, hinagaiyek anggikhi logouwageluk Allah Areagun en hinendawimo kagalhikhemo, hinagaiyek anggikhi logolik fano wene wanhigipsik he, nit ninobabut wanhik, ninoe Enupogot obabut wanhik isigip andi o.

2 KORINTUS 8:2

It afuni ekhe nen yi enggin ti enggin hokhorogoat weagerinafu kwelegat he, it inendawimo inagaiyek hokhorogo anggili'lagwi andiba inobabut enegat aga. It inagarek mondok lek inelagaik logoligat he, it mene hokhorogoat, lebekhogo it afuni ekhe wogisili'lagwi andi.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

LUKAS 14:15

At Yesus nen a'nogo yagaisasikhemo, afuni sumburu nouwogeluk hurek welagaukwa mene omanogo, ap ekhe nen esanggo holhikhesik he, Yesus mel yagatikhe: ”It afuni ekhe Allah nen awe a'ma fisikhere'ma andoma logolik sumburu nogoin mene andi, inendawimo inagaiyek hikhi logogun o,” iluk yagatikhemo,

LUKAS 13:28

A'nogo yagahisamo, hit enda'ma logolik, ap Abraham inom, Ishak inom, Yakub inom, ap fena Allah ane yagaisikhi lagaukwa mene omanogo inom, Allah awe a'ma fanoma andoma were'ma, hineilenggen kwelagisogoin o. Nen, hit enek he, kwe yagarogo wulakhinobagaumo enda'ma andoma logolik, hinaik himbirogo li ago le ago ikho mondok logogun o.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

ZAKHARIA 11:11

Nenggi a'nogo sambulat Tuhan nen wene watikhe mene a'nogo palagaikhe. Nen, it ap domba onggo palharek inap omanogo nen futfikhi logolik he, an nobabut hilingiti lagi mene andomaba Tuhan ane ili'lago iluk futfesukwa.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

AMSAL 19:1

Ap kembu mene nen ineranhogo wene lalinafu welagaikharek andi re mondok weak, oba nen ap enggi lek mene nen eluk higithogo werek andi nek he mondok fano.

AMSAL 16:19

Ap wonoget fakhagarek mene omanogo muginarek laga logolik inangge inenggi abisak wanharek mene omanogo inom nilik nikharek andi weak. Oba nen enggi lek logolik endawinggen sebel fakhaluk welagarek andi nek he mondok fano.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

MAZMUR 37:16

Afuni inobabut weak mene nen inangge hokho-pokhorogo were'ma hilingiri'lagwi mene andoma maben hak, oba nen he afuni ekhe fano hilingitarek mene nen inangge endebengge were'ma hilingiri'lagwi mene andi nek he onggo hokho mene hak werego.

MATIUS 5:1

Afuni hokhorogo wagunem, Yesus eilenggen yerisasikhesik he, punuba lagasikhesik hurek were'ma, it at ane wanhi lagaukwa mene oba wagaukwa.