LUKAS 6:11 - Allah Wene Fano Wene Hupla Inane

¹¹ A'nogo higitikhemo, it ap Allah ane lisu palek inelu mene omanogo inom, it Farisi mene omanogo inom, ina'mage hokho mene lagasukwasik he, ”At Yesus ninggi'nogo hilingisuok he,” iluk, it-it abok palhi lagaukwa.

LUKAS 6:11 Referans Kwoze

KISAH PARA RASUL 5:33

A'nogo yagaisasikhemo re, it ina'mage hokhorogo lagasukwasik ap Yesus nen wenagaisogo inayonggo fuluk lakfisasikhe mene omanogo inoasuogeluk isukwa.

PENGKHOTBAH 9:3

Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.

KISAH PARA RASUL 26:11

A'nogo ikhi logolik he, an o afuni Yahudi mene samban agarek kwe lombok kuluk, it inendawinggen Yesus oba himbirik welagaukwa mene hebisoageluk nane ninghogo yagaisigik, yi enggin ti enggin hilinginafik, ikhi logolik, na'mage hokhorogo lagakhi logolik he, it ekhe o yatmaat esanggo-esanggo andoma mene sikmuk isikhi lagagiat,” iluk yagatikhe.

KISAH PARA RASUL 7:54

At Stefanus nen wene a'nogo yagaisikhi lagaikhemo, it inesanggo holhukwasik, ina'mage lagasukwasik he, inaik himbirogo ebe wasuogeluk isukwa.

KISAH PARA RASUL 4:19

A'nogo yagaisasukwama re, it Petrus Yohanes emberegen he, ”Allah eilhanem higithogo hilingisugun he, ki. Hiren, yi'nogo hilingisugun iluk egep mene andi hologo hilingisugun a? Athe, Allah nen, yi'nogo hilingisigin, ikherek mene andi hologo hilingisugun a. Hinendawimo ebe'ni. Nit he, nineilenggen higik, ninesanggo holhik, ogo mene andi, afuni ekhe yagaisigi'lek kamo ugun he, elo'lek andi nen he, yagaisikhi logogun aro,” iluk yagaisasukwa.

KISAH PARA RASUL 4:15

Kamo isukwasik he, Petrus Yohanes ap a'nogo inom, o wene ero pilingitarek oba nen wulakfisasukwasik, it-it wene ikhi logolik he, ”Ap inebe pire ari faget ninggi'nogo hilinginabuok anggegep. Iren hilingisu lek mene andi elalinat hilingitama re, afuni o Yerusalem welagaikharek mene mondogat inelu agaikha andi nen, niren he, a'nogo hilingiti'lek, ninonggot iluk labelugun he, elo'lek aga andi.

YOHANES 11:47

A'nogo yagaisa lagaukwama re, it ap Allah eisewerek inogogwi kaindek inom, Farisi mene inomen he, it ap wene ero pilingiterek mene wolisasukwama wagaukwama re, mel yagaisasukwa: ”At ap andi ebe futfouwageluk elalin mene hokhorogo hilingiri'logo andi re, niren ninggi'nogo hilingisuok anggegep?

YOHANES 7:1

Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.

LUKAS 4:28

it Yahudi mene samban agarek oba welagaukwa mene omanogo inesanggo holhukwasik he, ina'mage hokho lagasukwa.

MATIUS 21:45

yagaisasikhemo, it ap Allah eisewerek inogogwi kaindek mene inom, it ap Farisi mene inom, inomen he, ”Wene oba lirogo ikhe andi, nit fagerat yaganisikhe higi,” iluk, futfesukwasik,

MATIUS 16:7

A'nogo yagaisasikhemo, it-it ikhi logolik mel isukwa: ”Sumburu roti mene ekhe waluk wagi'lek andi nen ikhe higi,” iluk ugunem

LUKAS 6:10

a'nogo yagaisasikhesik he, it mondogat eilenggen isilik lagaikhesik he, ap a'nogo mel yagatikhe: ”Henggi pisathan,” iluk yagatikhemo enggi pisathasikhemo, arat fano agaikhe.

LUKAS 6:12

Andi sambul he, at Yesus samban igeluk tom oba lagasikhe. Lagasikhesik hubanggo Allah ayonggo fugu mondok were'ma, o arat wei isikhe.

2 TIMOTIUS 3:9

It Yanes inom, Yambres inom, weak hilingitukwama, it ekhe nen, ”Inendawinggen lek,” iluk enegat futfesukwa hak, it andi a'nogoat inendawinggen lek hilingiri'lagwi iluk, afuni mondogaren inobabut enegat palumo re, it inane andi ebe asigin lego.