LUKAS 5:3 - Allah Wene Fano Wene Hupla Inane

³ Eilenggen isasikhesik he, at Yesus ebe e so Simon mene elema kwisikhesik he, ”E so yi higilogo re, i enggen tulem hangge endebat higilogo lakfeni o,” iluk, Simon yagatikhe. A'nogo yagatikhesik, at ebe e so elema hu'lagaikhesik he, afuni hokhorogo omanogo i aikwe were'ma wene yagaisasikhe.

LUKAS 5:3 Referans Kwoze

MATIUS 4:18

At Yesus i Galilea yenggele'ma esanggokwe laga logolik he, ap inebe pire, Simon enu ekhe Petrus ikhi lago a'nogo agot Andreas emberek hundik-handik ikan at wanhi lagaukwa andi nen he, andi sambul ikan wanuogeluk, su ikan su ima pelafunem eilenggen yerisasikhe.

YOHANES 8:2

Lagasikhesik, ohealekwe hup siakhogo pi wagaikhesik, Allah awi wuri'mo wagaikheat. Wagaikhesik kwisikhemo re, afuni hokhorogo wagaukwama, at ebe hu'lagaikhesik he, wene yagaisasikhe.

MARKUS 3:9

A'nogo andogotukwama re, inebe hokhorogoat ou higirinafunem he, it ou inoba mene mondogaren, afuni ekhe hiil isilik-heal isilik Yesus inenggi fakfouwogeluk oba kwikhi lagaukwa andi nen, at Yesus nen, at agoromi ane wanhi lagaukwa mene omanogo mel yagaisasikhe: ”Afuni hokhorogoatma re, an nera'lu peterogo wesinogo nen he, e so endep mene ekhe nobagaluk logoni o,” iluk yagaisasikhe.

LUKAS 5:2

Andogosi lagu kwelek, it ap ikan wanhi lagaukwa mene ekhe e so pire mene i aik oba fuluk he, ikan su kwalhi lagaukwa mene sobalhunem eilenggen isasikhe.