LUKAS 5:22 - Allah Wene Fano Wene Hupla Inane

²² A'nogo anggasukwama, at Yesus nen, it inendawimo anggasukwa mene enegat futfisasikhesik he, ”Hit hinendawimo a'nogo anggikhi lagep andi nenahalok.

LUKAS 5:22 Referans Kwoze

LUKAS 24:38

Inailo hokhorogo agaukwama re, at Yesus nen it agoromi mel yagaisasikhe: ”Hit he, nenahalok hinailo agepsik eberogoat anggigi'lek hinendawinggen pire welagep?

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

MARKUS 8:17

at Yesus nen enegat futfisasikhesik he, mel yagaisasikhe: ”Hit-hit ikhi logolik, ”Nit sumburu roti ekhe lek andi nen ikhe,” iluk wene ikhi lagep andi nenahalok. Hit oan hinelu agi'lek futfigi'legat logolik, hinendawinggen kagale'lek nonghongsek welagep yoma ri!

MATIUS 12:25

at Yesus nen it inendawimo anggasukwa mene enegat futfisasikhesik he, mel yagaisasikhe: ”Ap kaindek inenupogot inagoromi inawe a'ma ferinarek welagaikharekwe lombok, it-it inom hulit fakhaluk, inom weak logogun halok he, maben asugun o. Nen, afuni inawi sili lombok misigat mene inom, ap inebe lombok inagainafuri inom, hulit fakhaluk inom weak logogun halok, weak asugun aro.

MATIUS 9:4

A'nogo anggasukwama, at Yesus nen inobabut enegat palhikhesik he, mel isikhe: ”Hit hinendawimo nen wene weak mene ebeti lagep andi nenahalok?

YESAYA 66:18

An he iren ili'lagwi mene inom wenggeli'lagwi mene inom mondogat he nelu o. An nen afuni yi awi ti awi inunggulenu lombok misi'mo lambulogo fisageluk wesigin. Nen andoma andogosugun sambul andi re iren An nomame welagi mene a'nogo ineilenggen enegat neogoin.

MAZMUR 139:2

An nobabut hilingitirek mene mondogat he Hat helu welagen, Hat hebe yatma nen he, an nen ebetirek mene futnobagakhi lagen.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

IBRANI 4:12

At Allah ane ikherek andi re, karok enggat abel fena-fena mago andi hangge re, lego. We, at ane andi re, eluk mene omame hokho enggat mondok melangsek logolik, inoak enggalim elema kwigik, inamonggok elema kwigik, u hak he, inendawimo inendawinggen oba fakha lagaresik he, inendawimo anggagarek mene inom, inendawinggen en inamolo anggagarek mene inom, eilenggen elok peneterek.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

YEHEZKIEL 38:10

Tuhan Lego Mondok welagarek mene a'nogo nen Gog oba yagati logolik, ”Linggene andi sambul haren wene weak mene melalogo fagain o.

AMSAL 15:26

Ap weak hilingitarek mene nen wene weak mene wenggelharek mene andoma re Tuhan nen abit anggikherek, oba nen he wene fano mene andoma nek he endawimo agaiyek anggikherek.

MATIUS 12:15

Weim abok a'nogo ugunem, at Yesus nen inobabut enegat futfisasikhesik he, o andoma nen lagunem afuni inebe hokhorogo, at ombo'ne lagaukwa. Lagaukwama re, ou weak mene mondogat higirinafikhesik he,

LUKAS 5:21

A'nogo yagatikhemo, it ap Allah ane lisu palek inelu mene inom, it ap Farisi mene inom, inendawimo nen he: ”Nit afuni weak hilingiti lago mene andi, it afuni ekhe nen sebelogo legetfisogoin nogo? We, at Allah alegaren elok sebelogo leget fisikherek meneat he, at yi nen Allah endawimo seramet fikhesik enu weaget fili'logo yi sa anggegep,” iluk inendawimo anggasukwa.

LUKAS 5:23

An nen ap yi wene yagasigin he, se hangge ki anggegep. Hat weak hilingiti lagen mene arat sebelogo legetfisigi, iluk yagati andi se hangge anggegeba? I a, athe, Hebe menla'luk lan o, iluk yagasigin andi se hangge anggikhi lageba. Lego. Hebe menla'luk lan, iluk yagasumo enggin aro.