LUKAS 5:16 - Allah Wene Fano Wene Hupla Inane

¹⁶ A'nogo hilingitu kwelek meneat he, at Yesus samban igeluk ebe afuni le'ma o leimo andoma laga lagaikhe.

LUKAS 5:16 Referans Kwoze

LUKAS 6:12

Andi sambul he, at Yesus samban igeluk tom oba lagasikhe. Lagasikhesik hubanggo Allah ayonggo fugu mondok were'ma, o arat wei isikhe.

MATIUS 14:23

A'nogo yagaisasikhemo, wulibi wagu kwelek, at Yesus nen afuni hokhorogo omanogo arat lakfisaluk he, at Yesus alegenek punuba samban igeluk lagasikhesik ugu were'ma o hubagaikhemo re, alegenek andoma welagaikhe.

MARKUS 6:46

A'nogo yagaisasikhemo, wulibi wagu kwelek, at Yesus nen it afuni omanogo arat lakfisaluk he, at samban igeluk punuba lagasikhe.

YOHANES 6:15

A'nogo isukwama, at Yesus endawimo nen he, ”It andi wesimbik, an it inoe kain logouwageluk inane omamerogo mennobagagun anggigi,” iluk inobabut enegat palhikhesik he, o andoma hebisaluk punuba alegat lagasikhe.

LUKAS 3:21

At Yohanes nen afuni mondogat ima pelaginafi logolik he, at Yesus ima pelakfesikheat. Ima pelakfesikhemo, at Yesus ebe nen samban ugu kwelek he, pogot healogo,

LUKAS 9:28

At Yesus nen wene a'nogo arat yagaisasikhesik he, samban misik iluk, Petrus inom, Yohanes inom, Yakobus inom, woginarek samban uogeluk tom ekheba lagasukwa.

LUKAS 9:29

Lagasukwasik samban ugunem he, at Yesus elokhonggen hunogoat hilinglaga logolik asu elokhonggen mondok kut agaikhesik, yabelanget hasikhe.