LUKAS 5:1 - Allah Wene Fano Wene Hupla Inane

¹ Inenggi ekhe sambul he, at Yesus i Genesaret yenggele'ma andoma mendek were'ma, afuni mondok hokhorogo Allah ane inesanggo holuogeluk oba andogosi lagaukwa.

LUKAS 5:1 Referans Kwoze

MARKUS 3:9

A'nogo andogotukwama re, inebe hokhorogoat ou higirinafunem he, it ou inoba mene mondogaren, afuni ekhe hiil isilik-heal isilik Yesus inenggi fakfouwogeluk oba kwikhi lagaukwa andi nen, at Yesus nen, at agoromi ane wanhi lagaukwa mene omanogo mel yagaisasikhe: ”Afuni hokhorogoatma re, an nera'lu peterogo wesinogo nen he, e so endep mene ekhe nobagaluk logoni o,” iluk yagaisasikhe.

MATIUS 14:34

A'nogo hilingitukwasik, e so warogo wulibi waga lagaukwasik he, o Genesaret andem higit asi wagaukwa.

MARKUS 6:53

A'nogo hilingitikhesik, at Yesus lak o Genesaret, i yenggelek a'nogo aik yikwe wulibi wagaukwasik he, e so a'nogo e telogo hele homagaisogo fesukwa.

MATIUS 11:12

At Yohanes ima pelaginafi laga andi huli nen he, yogondak ya huli, it inobabut weak asialoksek mene nen, nineisena Allah nen awe a'ma fisikherek a'nogo inabiren mabenet fisuogeluk inomamerogo walhili'lagwi.

YOSUA 12:3

Andi nen o Yordan Tonggo mo lagai wagarek fikhit andoma inomat, nen i Galilea yenggele'ma andoma nen eila'ma selatan fikhit he o Bet-Yesimot i Laut Mati a'nogoba nen pikhit mo liabi wagarek huli andoma nen, hiling-hiling Tom Pisga a'ma andoma huliba.

ULANGAN 3:17

Nen it inaiba mo ubuk ikherek fikhit he mondok tinggi-tonggorogo hilingi'mo esanggo re i Yordan huliba nen ambolkwe re i Galilea yenggelek mene andi huliba, nen a'ma fikhit he i hokho mene Laut Mati huli, nen mo liabi wagarek fikhit he Tom Pisga helang alem kwe andoma huli wogisasikhe.

BILANGAN 34:11

Andoma nen pelabek he, o Ribla o Ain nen mo liabi wagarek fikhit andoma nen he hiling-hiling he, mo liabi wagarek fikhit en i Galilea yenggelek mene esanggokwe nen pikhit mo liabi wagarek fikhit haning-haning andoma nen he,

LUKAS 12:1

Wene a'nogo ugu kwelek, afuni mondok hokhorogoat inera'lu andogosi wagaukwama re, inebe mondok esa hokhorogo andi nen he, it ekhe nen it ekhe ineisok ungguren al perelogo fisilik lagaukwa. A'nogo hilingfisilik lagaukwama, at Yesus nen agoromi ane wanhi lagaukwa mene omanogo wene mel tak yagaisasikhe: ”Ap Farisi mene inobabut he, enggen sumburu roti mene fisuageluk, anggele'ma pelafarek mene andi hangge logolik he, inagap oba nek fano hangge, inendawinggen pire andi nen, weaget hinabinogo iluk hinebe hebelogo logoino.

MARKUS 5:24

A'nogo yagatikhemo emberek lagaukwa. Lagunem he, afuni mondok hokhorogo Yesus ombo'ne laga logolik peterogo agap oba te'merogo lagaukwa.

LUKAS 8:45

Enggi a'nogo fakhasikhemo, at Yesus nen he, mel isikhe: ”Sa nen enggi fa'niikhe,” iluk isikhemo it afuni omanogo ekhe inane oba igi'lek mondok kamo isukwama, at Petrus nen he, mel yagatikhe: ”Noe! Afuni mondok hokhorogo yagarek-fagarek waga logolik a'luk he, hat hoba to'morogo wagaikhama o,” iluk yagatikhe.

YOSUA 13:27

o Yordan Tonggoma andoma nen wilayah it inunggulenu Gad mene andi inobaget he o Bet-Haram inom, Bet-Nimra inom, Sukot inom Zafon inom. O andoma re at raja Sihon o Hesybon enu werek logolik sebelek welagaikheba andoma inom wogisasikhe. Wilayah it inunggulenu Gad mene andi inobaget o mo ubuk ikherek fikhit en i Yordan ima nen he liabek i yenggelek Danau Galilea eil ambolkwe utara fikhit andoma huli fesikhe.

MARKUS 4:1

Hobuk he, at Yesus i Galilea yenggelek a'nogo esanggoma logolik wene yagaisasikhe. Yagaisugunem afuni inebe esa hokhorogoat oba andogosi wagaukwama re, it inebe i aik oba fisaluk he, at ebe ima e soba hu'lasi kwisikhe.

LUKAS 5:2

Andogosi lagu kwelek, it ap ikan wanhi lagaukwa mene ekhe e so pire mene i aik oba fuluk he, ikan su kwalhi lagaukwa mene sobalhunem eilenggen isasikhe.

LUKAS 8:22

Inenggi ekhe sambul he, at Yesus ebe inom, agoromi ane wanhi lagaukwa mene omanogo inom, e so elema kwisukwasik he, mel yagaisasikhe: ”I aik elikwe wulibuogo,” iluk yagaisasikhesik he, wulifukwa.

LUKAS 8:23

Wulifi logolik he, at Yesus nogo isikhe. Nogo ugu kwelek, sogoi hokhorogo funha wagaikhemo, i ha'labu hokhorogo wati logolik, i kweisalogo, e so elema kwisikhemo, e so a'nogo wula'lakhogo pigeluk isikhe.

LUKAS 8:33

it munggwarengge inobabut weak mene omanogo, ap a'nogo endawimo nen henegeisogo wulibi lagaukwasik, wam omanogo endawimo kwalasi lagaukwama re, mondogat i kat oba nen pururumhogo, i hokho yenggele'ma pisukwasik i lagaukwa.

YOHANES 1:40

Nen, it ap inebe pire Yohanes ane ugunem inesanggo holhukwasik, Yesus ombo'ne lagaukwa mene andem ap ekhe enu re, Andreas, Simon Petrus a'nogo agot.

YOHANES 6:1

Hobuk he, at Yesus i mogo Galilea, enu ekhe Tiberias agaregat andi aik elikwe wulifikhe.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.