LUKAS 4:5 - Allah Wene Fano Wene Hupla Inane

⁵ A'nogo yagatikhemo, hobuk Iblis nen Yesus waluk tom uan meneba fei lagasikhesik he, andoma nen o kweangma yi awi ti awi kaindek inenupogot welagaikharekwe mondogat yegekhogo weinamet fesikhesik misigam faget eilenggen yethoageluk yagatikhe.

LUKAS 4:5 Referans Kwoze

EFESUS 6:12

Nit weim hak yafi lago andi re, afuni mene ninom yafi lago fuk. Lego. Athe, kain mene, inane werek mene, o mum oba kweangma yoma ferinarek welagaikharek mene, munggwarengge inobabut weak mene pogoroba honggolek kweangma honggolek were'ma ninom yafi lago.

1 KORINTUS 15:52

Misigam faget, ineilenggen humun la'luk fenggen lagaikharek hak, pinggong ane elugun kobokhogo pak igin o. A'nogo pak ugunem he, afuni wa'lagaukwa mene inebe fili agi'lek etok mondok logogin mene fanorogo hilingisogo inelugerinabimbik he, nit mondogat ninebe hunogoat hilingninabigin o.

MATIUS 4:8

A'nogo yagatikhemo re, hobuk at Iblis nen Yesus waluk tom hokho uan mene oba lagasikhesik he, o kweangma yi awi ti awi ap kaindek inenupogoren ferinarek welagaikharekwe lombok mondogat, yi mene ti mene hokhorogo were'ma eilenggen yethoageluk yagati logolik he,

MAZMUR 73:19

Ineilenggen humun la'luk fenggen lagaikharek hak koma lagaikha heat, lek agaikharek. It inebe lek agaikharek sambul andi re mondok hunikhogo hiling lagarek.

AYUB 20:5

it ap kwanirogo hilingitu mene nen inagaiyek hili'lagwi andi re we elama faget, nen ap wene sagalharek mene nen inamolorogo hilingitarek mene andi re we misigam faget hilingitarek.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

1 KORINTUS 7:31

Nen, it ekhe kweangma yi mene ti mene helagarek mene andi, heligi'lek mene hak logouwak. A'nogo igi andi re, yi mene ti mene kweangma welagarek mene mondogat arat lek ari'logo andi nen igi o.

MATIUS 24:14

Nen, Allah nen awe a'ma inobagagin wene fano wene yi, yi afuni ti afuni mondok inelu asuageluk o yi awi ti awi fakhogo yagaisilik lagep halok he, o wurep oba arat hilinglasigin o,” iluk yagaisasikhe.