LUKAS 4:31 - Allah Wene Fano Wene Hupla Inane

³¹ Inanggele'ma nen siakhogo lagaikhesik he, o Galilea tonggwe o sili enu Kapernaum kwisikhe. Kwisikhesik he, inenggi sabit oba Allah faget weat logolik, wene yagaisasikhe.

LUKAS 4:31 Referans Kwoze

MATIUS 4:13

Lagai wagaikhesik, o sili Nasaret a'nogo herakfisaluk he, o kota Kapernaum i Galilea yenggelek esanggoma, it ap inunggulenu Zebulon mene inom, Naftali mene inom, inaiba andoma logoigeluk lagai wagaikhe.

KISAH PARA RASUL 13:50

A'nogo wialarik wulifunem he, it afuni Yahudi mene nen he, hemi ap endakwe mene inagagwi kaindek mene Allah ane wanhukwa mene inom, it ap o kota andoma inenuwerek kaindek welagaukwa mene inom, inomen Paulus Barnabas emberek mugisoageluk inendawimo kagalhukwa. A'nogo inendawimo kagalhukwama re, iren he, ”Hit nit ninaiba yoma logogun lego,” iluk mugisogo wulakfisasukwa.

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

KISAH PARA RASUL 18:4

A'nogo kwatu inom logolik, hundik-handik Allah faget inenggi weat logolik samban uogeluk ugunem, o afuni Yahudi mene samban ikhi lagaukwaba kwisukwasik he, it afuni Yahudi mene inom, Yunani mene inom, Yesus ane wanuageluk inendawimo kagalhi lagaikhe.

LUKAS 4:23

A'nogo fogeratukwama, at Yesus nen he, mel yagaisasikhe: ”Afuni nen, hundik-handigat ikhi logolik, hat hebe ap dokter hangge andoma re, hoba ou andi honggwaregen higiran o, iluk agarek mene, hiren lagokhogo an yaganesugun higi. A'nogo yaganesimbik he, o Kapernaum hilingiti lagen mene holhi lago andi hak he, yogondak honggwarek haiba yoma a'nogoat ekhe hilingisin o, iluk yaganesuogeluk ikhi lagep higi,” iluk a'nogo yagaisasikhesik ekhe mel yagaisasikhe: