LUKAS 4:15 - Allah Wene Fano Wene Hupla Inane

¹⁵ A'nogo sak-pak ugu kwelek, at ebe andoma logolik, o samban agarek oba kwisikhesik wene yagaisugunem afuni andoma mene mondogaren fogerati lagaukwa.

LUKAS 4:15 Referans Kwoze

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 9:8

A'nogo hilingitikhemo re, it afuni omanogo ineilenggen hasukwasik inailo agaukwasik he, ”Allah nenat afuni mene nen yi'nogo hilingiti logouwageluk menfesikhemo andi nailo e,” iluk, Allah fogeratukwa.

LUKAS 13:10

A'nogo yagaisikhi logolik, inenggi sabit oba ekhe Allah faget weat logolik, at Yesus o ap Yahudi mene samban agarek oba kwisikhesik wene yagaisugu were'ma re,

MARKUS 1:45

A'nogo yagatikhe meneat he, at a'nogo nen afuni hesanggeat yagaisikhi logolik he: ”Yi'nogo higitnafe o,” iluk abok fano wialarik lagaikhe andi nen he, at Yesus o kota yi awi ti awi andoma kwilik ebe weinamhogo nikhi logogin elok legagaikhemo re, leimo afuni le'ma lagaikhesik welagaikhe. A'nogo welagaikhe meneat he, afuni o yi awi ti awi andoma nen oba andogosi waga lagaukwa.

MARKUS 1:39

Yagaisasikhesik he, o Galilea tonggwe afuni Yahudi mene samban agarek oba kwe kwisikhesik he, wene fano wene a'nogo yagaisigik, munggwarengge inobabut weak mene afuni inendawimo kwisukwasik were'ma henegeisogo wulakfisigik, ilik laga lagaikhe.

MARKUS 1:27

Wulifikhemo re, it afuni omanogo nen mel isukwa: ”At ane ikhe andi ningginik. Wene andi ket hunogoat wene eiseweregen yaganisili'logo higi. Aren munggwarengge obabut weak mene wenagisugunem he, at ane inesanggo hologo hilingiri'lagwi andi nailo e!” iluk fogeratukwa.

MATIUS 13:54

at onggwarek aiba eroba lagaikhesik, o afuni Yahudi mene samban agarek oba kwisikhesik wene yagaisugunem it afuni inesanggo holhukwa mene nen he, mel isukwa: ”Egi! Nailo e. Ap yi endawimo mondok kagalek andi, wene ka nen yanggulhesik waga. Nen, yi wene ti wene elalinat hilingirik nikho andi, koma nen yanggulhesik hilingirik nikho.

MATIUS 9:35

At Yesus o sili hokho kwe endep kwe, ya kwigik ta kwigik, nikhi logolik, o samban agarekwe kwilik laga logolik fano wene nineisena Allah nen awe a'ma inobagagin wene a'nogo yagaisigik, yi ou ti ou inoba werek mene inom, inomame lek maben mene inom, fano higirinafik ilik nikhi lagaikhe.

YESAYA 55:5

Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.

LUKAS 4:16

A'nogo fogeratu kwelek, at Yesus o Nasaret ebe alue agaikheba lagaikhe. Lagaikhesik, at hilingiti lagaikhe hagat, inenggi sabit oba Allah faget weat logolik, samban uogeluk o afuni Yahudi mene samban agarek oba kwisikhesik, Allah ane lisu palek mene enu salhi logolik yagaisageluk menlagaikhe.